Learning English
VOA
site logo site logo
Oldingi Keyingi
Breaking News
Huquq va qonun

Fazliddin Qurbonov sudi ketidan bir vatandosh xulosasi: Yoshlar, ogoh bo'ling!

Fazliddin Qurbonov 2013-yilning 16-mayida Aydaxo shtatining Boyzi shahridagi uyida hibsga olingan edi
Fazliddin Qurbonov 2013-yilning 16-mayida Aydaxo shtatining Boyzi shahridagi uyida hibsga olingan edi

O’zbekistonlik muhojir, ikki yildan beri AQShda hibsda o’tirgan 33 yoshli Fazliddin Qurbonov 12-avgust kuni Aydaxo shtatining Boyzi shahridagi federal sudda terrorizmda aybdor deb topildi. Maxsus hay’at Qurbonovga qo’yilgan besh ayblovdan uchtasi asosli deb xulosa qilgan, jumladan terrorist tashkilotga madad ko’rsatishga uringanlik va xuruj rejalaganlik. Himoyachi deydiki, Qurbonov quruq gap bilan cheklangan, aslida biror jinoiy qadam tashlamagan. Advokat Chak Peterson yuqori sudga arz qilish niyatida. Hozirgi hukm bo'yicha jazo noyabr oyida belgilanadi. Qurbonov kamida 10 yillik qamoq jazosi bilan yuzlashmoqda.

Fazliddin Qurbonov nasroniylikka kirgach vatanda hayoti xavf ostida qolganini aytib, 2009-yilda Amerikadan siyosiy boshpana olgan.

Biroq Islom Karimov boshliq tuzumga nisbatan nafrati va qarshiligi sabab O’zbekiston islomiy harakatidek kuchlarga ham yordam berishga shay ekanini aytib yurgan. Federal qidiruv byurosi uning ketiga tushib, maqsadlarini o’rgana boshlagan, maxsus agentlar orqali.

Fazliddin Qurbonov Yuta va Aydaxo shtatlarida portlovchi moddalar yasash uchun zarur mahsulotlar xarid qilgach, hibsga olingan. Byuro hujjatlarida shunday deyiladi.

Sud paytida advokat Federal qidiruv byurosini Qurbonovning huquqlarini poymol etganlikda va uning xatti-harakati haqida asossiz va xato xulosa qilganlikda qoraladi.

Shuhrat Ahmadjonov, o’zbekistonlik huquq faoli, uzoq yillardan beri muxolifat safida yurgan va bugungi kunda AQShda yashayotgan vatandoshlardan biri, Fazliddin Qurbonov sudini kuzatdi.

Asosiy xulosalari qanday? Ahmadjonov sudlanuvchining oilasini taniydi. Uning aytishicha, oilaning dardi og'ir.

Fazliddin Qurbonov sudini kuzatgan Shuhrat Ahmadjonov bilan suhbat - Navbahor Imamova
Embed
Fazliddin Qurbonov sudini kuzatgan Shuhrat Ahmadjonov bilan suhbat - Navbahor Imamova
by Amerika Ovozi

No media source currently available

0:00 0:09:35 0:00
Yuklab oling

Tabiiyki, Fazliddin Qurbonovning hibsga olinishi, aybdor deb topilishi va uzoq yillik qamoq jazosi ehtimoli o'g'li ketidan Amerikaga kelib yangi hayot boshlagan ota-ona, singil, rafiqa va shu yerda tug'ilgan farzand uchun haqiqiy fojia.

Fazliddin Qurbonovning sudda chizilgan tasviri
Fazliddin Qurbonovning sudda chizilgan tasviri

Advokat Chak Peterson Fazliddin Qurbonov ishi yuzasidan yozgan blogida shunday xulosa qiladi:

"Hay'at noto'g'ri xulosaga kelgan bo'lsa, men o'zim shunday fikrdaman, bu ularning xatosi emas. Axir ular qarshisidagi yosh yigit bu davlatda xuruj qilish, kimyoviy moddalar yig'ish va portlatish haqida so'zladi. Ular o'yladiki, bu xavfli odam. Mening nazarimda, u aldangan shaxs. Ular tahdid manbaini ko'rishdi va qo'rqishdi. Qaniydi ular men ikki yildan beri bilgan yosh yigitni ko'ra olishganida. Balki uni aybsiz deb topishgan bo'lar edi".

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG