Learning English
VOA
site logo site logo
Oldingi Keyingi
Breaking News
Markaziy Osiyo

Shohimardon, O'zbekistonning olisdagi parchasi, e'tiborga muhtoj

Farg'ona shahridan 50-55 km uzoqlikda joylashgan Shohimardonning umumiy maydoni 90 kv km
Farg'ona shahridan 50-55 km uzoqlikda joylashgan Shohimardonning umumiy maydoni 90 kv km
SHOHIMARDON — 

Qariyb 10 ming aholiga ega Shohimardon O'zbekistonning uzoqdagi go'zal bir parchasi. So'x eksklavi singari u ham Qirg'iziston bilan o'ralgan, tog'lar bag'ridagi so'lim go'sha.

Umumiy hududi 90 kvadrat kilometrni egallagan Shohimardon Farg'ona viloyatining Farg'ona tumaniga kiradi. Xorijiy davlat ichida bo'lgani bois unga kirib-chiqish qiyin. Shohimardon ham So'x kabi dunyoga yopiq. O'zbekiston yoki Qirg'iziston fuqarosi bo'lsangiz, bora olasiz.

Shohimardon Farg'ona shahrida 50-55 kilometr uzoqlikda joylashgan. Qirg'iziston chegara postidan o'tish vaqtini hisobga olmaganda, mashinada bir yarim soatda bemalol yetish mumkin.

O'zbekiston eksklavlarida: Bugungi Shohimardon
Embed
O'zbekiston eksklavlarida: Bugungi Shohimardon
by Amerika Ovozi

No media source currently available

0:00 0:27:17 0:00
Yuklab oling

Pomir-Oloy tog'laridagi Shohimardon tabiiy xazina. Turizm bobiga ulkan imkoniyatlarga ega. Biroq “Amerika Ovozi” Shohimardonni aylanib, shunga guvoh bo'ldiki, hudud ko'p jihatdan qarovsiz. O'zbekistonning bu antiqa bo'lagini qiynayotgan muammolar, xususan iqtisodiy masalalar haqida Toshkentda o'tirgan rahbarlar qanchalik biladi?

“Amerika Ovozi” Shohimardonga eksklavga ilk marta borgan xorijiy sayyoh ko'zi bilan qaradi. Manzara bilan tanishdik. Asosiy ziyoratgoh va muzeyda bo'ldik. Ziyoratchilar va shohimardonliklar bilan gaplashdik. Bozor va bog'larni aylandik. Quyida maxsus dasturimizni tomosha qiling.

O'zbekistonning So'x va Shohimardon eksklavlari hamda atrofdagi boshqa go'shalarni aylanib, xulosa shuki, turizm borasida taraqqiyot juda sust.

Bu hududlar siyosiy va iqtisodiy e'tiborga muhtoj. Infrastruktura eskirgan, ayniqsa Shohimardonda. Mahalliy turistlar oqimi oshar ekan, jamoat joylarida xavfsizlik choralari joriy etilmagan. Ichimlik suvi va hojatxonalar ta'minoti chatoq. Ovqatlanish uchun sharoit va boshqa zaruratlar ustida ishlash kerak.

Eng ko'p odam boradigan ziyoratgohlar va bog'larda sharoit nochor. Oddiy axborot beradigan markazlar yoki burchaklar yo'q.

Bu eksklavlar kimga ochiq, kimga yopiqligi haqida ham ma'lumot olish amri mahol.

"Amerika Ovozi" bilan gaplashgan shohimardonliklar hududga sarmoya kelmasligi eng katta muammo deb hisoblaydi. Qirg'iziston orqali qurilish materiallari olib kirish qiyin. Eksklavga kirib-chiqish murakkab ekan, investitsiya qilishni xohlaganlar juda oz. Shohimardonni kichik tadbirkorlar boqmoqda, deydi aholi vakillari. Aholining iqtisodiy imkoniyatlari cheklangan. Tirikchilik mavsumiy ishlarga bog'liq.

Ijobiy holatlardan biri - Shohimardonga sayohatga borganlar tog'lar ustidagi Qurbon ko'lga, Qirg'iziston hududidagi g'aroyib suv havzasiga ham o'tishi mumkin. Davlatlar sayyohlar uchun imkoniyat yaratgan. O'zbekiston fuqarolari pasporti bilan maxsus post orqali kanat bilan ko'lga chiqib kelishi mumkin. Kishi boshiga 20 ming so'm.

Afsonaviy, tabiat mo'jizasi deya ta'riflanadigan ko'lga sayohatni tomosha qiling.

Qurbon-Ko'l: O'zbekiston-Qirg'iziston chegarasidagi ajoyibot
Embed
Qurbon-Ko'l: O'zbekiston-Qirg'iziston chegarasidagi ajoyibot
by Amerika Ovozi

No media source currently available

0:00 0:27:29 0:00
Yuklab oling

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

Back to top
XS
SM
MD
LG