AQShning Afg'oniston bo'yicha maxsus vakili Tomas Uest O'zbekistonda. Uest Tashqi ishlar vaziri Vladimir Norov va Prezident Mirziyoyevning Afg'iniston bo'yicha maxsus vakili Ismatulla Irgashev bilan muloqot qilgan.
Bayden ma'muriyati O‘zbekistonning Afg‘oniston "ijtimoiy-iqtisodiy infratuzilmasini tiklash, afg‘on xalqiga gumanitar va boshqa yordam" ko‘rsatayotganini olqishlab keladi.
Toshkent va Vashington Afg‘oniston bo'yicha siyosatini o'zaro maslahatlashgan va bir-birini boxabar qilgan holda olib bormoqda, deydi rasmiylar.
Uest bilan suhbatda ham xalqaro sa’y-harakatlarni muvofiqlashtirish va tizimlashtirish zarurligi qayd etilgan.
O'zbekiston Afg‘onistonga insonparvarlik yordamini yetkazishda Termiz shahri ko‘p funksiyali transport-logistika xabi sifatida xizmat qilayotgani va AQSh ham bu imkoniyatlardan bemalol foydalanishi mumkinligini eslatgan
Diplomatlarga ko'ra, xalqaro hamjamiyat hali tan olmagan Tolibon rahbariyatiga shartlar yuzasidan ham AQSh va O'zbekiston yakdil: Afg‘onistonda inklyuziv hukumati shakllanishi zarur. Inson huquqlari, xususan xotin-qizlarning erkinliklari, jumladan ta’lim olishi, ishlashi va harakatlanishlari hamda barcha jarayonlarda ishtirok etishi ta'minlanishi kerak.
Afgʻoniston zamini, Amerika hukumati qayd etishicha, xalqaro terrorchilarga panoh bo'lmasligi va u yerdan biror davlat tinchligiga raxna solinmasligi shart. O'zbekiston ham shunga urg'u berib, o'z xavfsizligi va mintaqa barqarorligiga qo'shni davlatdan biror tahdid bo'lmasligi yo'lida chora ko'rayotganini ta'kidlaydi
Oxirgi paytlarda Afg'oniston shimolidan "Islomiy davlat Xuroson" O'zbekistonni bir necha bor nishonga olganini da'vo qildi, ammo Toshkent buni inkor etdi.
Facebook Forum