Millionlab amerikaliklar yaqinlashayotgan saylovlarda ilk bor ovoz beradi.
Amerika immigratsiya kengashiga ko'ra, har to'rt hujjatli muhojirdan 3 nafari qator shtatlarda fuqarolikka kirgan va endi saylovga chiqadi. Ularning ta'siri 2020-yildagi saylovdagidan kuchliroq bo'lishi kutilmoqda.
Biror partiyaga sodiq bo'lmagan shtatlarda ayniqsa yangi saylovchi natijani belgilovchi rolda.
Arizona shtatida 2016-2020 yillarda fuqarolikka qabul qilinganlarning aksariyati Prezident Jo Baydenni quvvatlagan.
"Immigrantlar salmoqli sonni tashkil etgan shtatlarda siyosatchilar ularning ko'ngligiga qaramasa, xato qiladi", - deydi Brayan Miller, "Nonprofit VOTE" degan nohukumat tashkilot rahbari.
Kristin Chen esa aynan osiyolik amerikaliklarni saylovda qatnashishga undovchi tashkilotni yuritadi.
"2020-yildagi saylovda 21 foiz osiyolik ilk bor ovoz bergan", - deydi u.
"Yangi fuqarolar o'ta faol amerikaliklar".
Shunga qaramasdan Amerika bo'ylab baribir kam odam saylovlarda qatnashadi, ayniqsa immigrantdan fuqaroga aylanganlar orasida. Despite efforts, however, newly naturalized citizens still face obstacles in achiev
Jo Garsiya lotin amerikaliklar bilan ishlaydi. Ularning ichida ota-onasi ovoz bermasa, farzandi ham bunday qilmaydiganlar talay, deydi faol. Vaholanki, siyosiy qarorlarning aksariyati ularning hayotiga ham bevosita taalluqli.
Ro'yxatdan o'tish qiyin tuyuladi, qog'ozbozlik, qolaversa tilni yaxshi bilmaslik, begonasirash ham jiddiy to'siqlardir.
Garsiya ijtimoiy tarmoqlarga tayanmoqda. Yoshlarni u yerda qiziqtirish mumkin.
"Arzonroq uy-joy, ta'lim, yaxshi maoshli ish orinlari, salomatlik va turli zarur xizmatlar haqida gapirsangiz, e'tibor berishadi", - deydi faol.
"Pew" tadqiqot markaziga ko'ra, saylovda qatnasha oladigan immigrantlarning 3,5 millioni meksikalik.
Jorjiya va Nevada shtatlarida osiyolik amerikalik saylovchilar 25-26 foiz.
"Siyosiy partiyalar bu saylovchilarni yetarlicha jalb qilmaydi", - deydi Chen.
Uning tashkiloti olib borgan tadqiqotlarda 54 foiz osiyolik nomzodlarning targ'ibotidan xabardor ekanini yoki ularning kampaniyasi bu fuqarolar bilan aloqada ekanini aytgan.
Demokratlar qora tanlilar, latinolar va endilkda osiyoliklar uchun koalitsiyalar tashkil etib, ularni o'z safiga va mafkurasini tashviq qilishga undamoqda.
Respublikachilarda ham shu kabi harakatlar bor.
Vitse-prezident Kamala Harris yaqinda Filadelfiyada osiyolik yangi fuqarolar bilan muloqot qildi.
