Ozarbayjon va Armaniston o'rtasidagi ikkinchi sulh ham buzildi

Ozarbayjon va Armaniston bir-birini yangi sulhni buzganlikda ayblamoqda. Tog’li Qorabog’da bugun ham shiddatli janglar kuzatilgan.

Embed share

Xalqaro hayot – 19-oktabr, 2020-yil

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:07:22 0:00

Yuklab oling

• 240p | 20,1MB
• 360p | 30,6MB
• 480p | 50,3MB
• 720p | 108,2MB
• 1080p | 151,2MB

Ozarbayjon arman kuchlarining neft quvuriga otgan raketasini urib tushirganini da’vo qilmoqda. Armaniston ushbu ayblovlarni rad etmoqda.

O’tgan shanba kuni takror kelishilgan otashkesin 10-oktabr kuni ikki mamlakat tashqi ishlar vazirlari Moskvada erishgan gumanitar sulh kabi ko’pga yetmadi. Mojaro to’xtamas ekan, Rossiya va Turkiyaning ixtilofga bevosita tortilish xavfi kuchaymoqda.

Tog’li Qorabog’dagi arman ma’muriyatiga ko’ra, Ozarbayjon o’lkaning shimoliy va janubiy hududlarini o’qqa tutmoqda, bir shahar va to’rtta qishloqda aholini nishonga olgan, biroq Boku bu da’volarni inkor etmoqda.

Ozarbayjon Mudofaa vazirligi o’z navbatida arman kuchlarini mojaro zonasidan ancha uzoqda joylashgan rayonlarga o’q yog’dirayotganlikda ayblamoqda. Xususan, urush zonasidan 300 kilometr naridagi Xizi rayonida Rossiyaning Novorossiysk shahriga neft uzatuvchi quvur yoniga o’q-dori tushgani aytilmoqda.

Shanba kungi sulhga vositachilik qilgan Rossiya Tashqi ishlar vaziri Sergey Lavrov bugun tomonlarni yana tinchlikka chaqirdi.

O’tgan hafta Ozarbayjon Prezidenti Ilhom Aliyev Tog’li Qorabog’da ikki millat vakillari tinch yashashi haqida fikr bildirdi. Buning uchun hududdan haydalgan ozarbayjonliklar o’z yerlariga qaytishi kerak, dedi u.

Tomonlar 27-sentabrdan beri olishar ekan, Boku 61 tinch fuqarosi o’lganini ma’lum qildi, harbiy talafotlarini oshkor etmayapti. Tog’li-Qorabog’ ma’muriyati 710 harbiysi va 36 fuqarosi nobud bo’lganini bildirdi.