Xitoy harbiy qudratini oshirishda davom etishini bildirmoqda. Vazirlar mahkamasiga ko'ra, bu jarayon hech bir davlatga qarshi qaratilmagan. Xitoyning yangi mudofaa siyosatiga ko'ra, Xalq ozodlilk armiyasi endi hududiy havo mudofaasi bilan cheklanmay, hujumga ham urg'u beradi, ayniqsa dengizdagi hududlarni himoya qilishda.
Xitoy Janubiy Xitoy va Sharqiy Xitoy dengizlaridagi ayrim joylarga da'vo qiladi. Bu esa qo'shni mamlakatlarni asabiylashtirmoqda.
Pekin va Vashington bu borada turli xil pozitsiyada. Xitoy Janubiy Xitoy dengizining deyarli barini o'ziniki deb biladi.
Shu hafta AQShning josus samolyoti dengizdagi orollarning yonidan o'tgach, Pekin Vashingtonga rasman shikoyat qilgan.
Qo'shma Shtatlar Spratli orollari tomon qo'shimcha samolyot va harbiy kema yubormoqchi. Bu bilan AQSh Xitoyning bu hududlarga da'vosini tan olmasligini ko'rsatmoqchi, deydi kuzatuvchilar.
Pekin AQShning Osiyoda faollashganidan, Yaponiyaning o'z mudofaa salohiyatiga qo'shimcha diqqat qaratayotganidan xavotirda.
Vazirlar mahkamasining bildirishicha, Xitoy dengizdagi huquqlari va manfaatlarini himoya qilishga tayyor.
"Biz birinchi bo'lib hujum qilmaymiz, ammo hujumga qarshi javob beramiz", - deydi rasmiylar.
