Yevropa Ittifoqining tashqi siyosat va xavfsizlik masalalari bo’yicha oliy vakili Ketrin Eshton kecha Qirg’izistonda Markaziy Osiyo tashqi ishlar vazirlari bilan muloqot qilgan edi, bugun esa O'zbekistonda.
Eshton xonim Toshkentdagi uchrashuvlarida NATO kuchlarining 2014-yilda Afg’onistondan olib chiqilishidan keyingi vaziyat, mintaqa davlatlari o’rtasidagi suv muammosi va regional hamkorlik mavzulari borasida fikr almashgan.
Yevropa Ittifoqi vakili Bishkekda o’tgan yig’ilishda so’zlagan nutqida Markaziy Osyioga e’tibor oshib borayotganini ta’kidlab, demokratik o’zgarishlarga ko’maklashishga va’da bergan.
“Markaziy Osiyoning Yevropa Ittifoqi uchun muhim ahamiyatga ega ekanini va bu ahamiyat biz uchun tobora oshib borayotganini yaxshi bilamiz. Xavfsizlik masalasida umumiy manfaatlarga egamiz. Yevropa Ittifoqi hamda Markaziy Osiyo davlatlari uchun birdek foydali bo’lgan energiya, savdo va iqtisodiy aloqalarimizni yanada rivojlantirish bo’yicha imkoniyatlarimiz yuqori”, - deydi Eshton.
“Shuningdek, biz bu davlatlar olib borayotgan iqtisodiy va siyosiy islohotlarni qo’llab-quvvatlashni istaymiz va ular yuz tutayotgan ayrim muammolarni yengib chiqishlarida yordam beramiz. Masalan, atrof-muhitni asrab-avaylashda biz o’z tajribamizni baham ko’rishimiz mumkin”.
Ketrin Eshton O’zbekistonga safari chog’ida prezident Islom Karimov, Tashqi ishlar vaziri Abdulaziz Komilov, shuningdek, jamoatchilik vakillari hamda huquq faollari bilan uchrashgan.
Lekin hozirda Parijda yashayotgan taniqli huquq himoyachisi, “O’tyuraklar klubi” tashkiloti rahbari Mo’tabar Tojiboyevaga ko’ra, ayniqsa O’zbekistonda, inson huquqlari bo’yicha shug’ullanadigan faollar sanoqli va oppozitsiya tarqoq bo’lgani sabab G’arb dunyosi muxolifatga jiddiy yondashmayapti.
“O’zbekistonda ular juda ozchilikni tashkil etadi. Har bir fikrdoshimiz, fuqaro jamiyati faollari, muxolifat vakillarining har biri bir necha martadan sudlangan, oila a’zolari bir necha martadan sudlangan. Ularning erkin faoliyat yuritishiga imkoniyat qolmagan, ya’ni ular o’zlarini va oila a’zolarini himoya qilishga ko’proq vaqtlarini sarflashga to’g’ri kelayapti”, - deydi Tojiboyeva.
“Mamlakat tashqarisidagi muxolifatga e’tibor qaratadigan bo’lsak, ko’proq qismi aynan bir-biriga nisbatan dushman munosabatda bo’lish bilan bandlar. Tashqaridagi muxolifatning bugungi holati, ularning tarqoqligini O’zbekiston hukumati tomonidan yollangan ayg’oqchilarning samarali mehnati natijasi deb ko’rsak bo’ladi. Yevropa Ittifoqi, G’arb davlatlari mamlakat tashqarisida faoliyat yuritayotgan bugungi muxolifatga jiddiy qaramayapti. Bunga muxolifatchilarimizning o’zlari aybdor deb hisoblayman”.
Yevropa Ittifoqining yetakchi diplomati Ketrin Eshton Toshkentda fuqaro jamiyati faollari, jumladan, "Ezgulik" inson huquqlari jamiyati raisi Vasila Inoyatova bilan ham muloqot qilgan.
Inoyatova fikricha, bugungi kunda siyosiy muxolifatning tan olinishigina O'zbekistonda yuzga kelgan ijtimoiy-siyosiy bo'hronlarni bartaraf etishi mumkin.
"Men inson huquqlari buzilishining obyektiv va subyektiv sababi sifatida mamlakatda real siyosiy muxolifatning mavjud emasligida ko'raman. Albatta, demokratik muxolifat mavjud jamiyatlarda ham inson huquqlari kamsitilishi mumkin, ammo muxolifat bor joyda inson huquqlarining buzilishi O'zbekistondagi kabi sistematik bo'lmaydi, bo'lolmaydi", - deydi Vasila Inoyatova.
"Ezgulik" rahbari uchrashuvda mamlakatdagi diniy erkinliklar, sud-huquq tizimi va fuqaro huquqlari buzilishiga oid masalalarni ko'targan.
Markaziy Osiyo bo'ylab safar qilayotgan yevropalik diplomat endi Qozog’istonga yo'l oladi.
Ketrin Ashton tashrifi suratlarda:
Ketrin Eshton bayonoti, ingliz tilida:
Eshton xonim Toshkentdagi uchrashuvlarida NATO kuchlarining 2014-yilda Afg’onistondan olib chiqilishidan keyingi vaziyat, mintaqa davlatlari o’rtasidagi suv muammosi va regional hamkorlik mavzulari borasida fikr almashgan.
Yevropa Ittifoqi vakili Bishkekda o’tgan yig’ilishda so’zlagan nutqida Markaziy Osyioga e’tibor oshib borayotganini ta’kidlab, demokratik o’zgarishlarga ko’maklashishga va’da bergan.
“Markaziy Osiyoning Yevropa Ittifoqi uchun muhim ahamiyatga ega ekanini va bu ahamiyat biz uchun tobora oshib borayotganini yaxshi bilamiz. Xavfsizlik masalasida umumiy manfaatlarga egamiz. Yevropa Ittifoqi hamda Markaziy Osiyo davlatlari uchun birdek foydali bo’lgan energiya, savdo va iqtisodiy aloqalarimizni yanada rivojlantirish bo’yicha imkoniyatlarimiz yuqori”, - deydi Eshton.
“Shuningdek, biz bu davlatlar olib borayotgan iqtisodiy va siyosiy islohotlarni qo’llab-quvvatlashni istaymiz va ular yuz tutayotgan ayrim muammolarni yengib chiqishlarida yordam beramiz. Masalan, atrof-muhitni asrab-avaylashda biz o’z tajribamizni baham ko’rishimiz mumkin”.
Ketrin Eshton O’zbekistonga safari chog’ida prezident Islom Karimov, Tashqi ishlar vaziri Abdulaziz Komilov, shuningdek, jamoatchilik vakillari hamda huquq faollari bilan uchrashgan.
Lekin hozirda Parijda yashayotgan taniqli huquq himoyachisi, “O’tyuraklar klubi” tashkiloti rahbari Mo’tabar Tojiboyevaga ko’ra, ayniqsa O’zbekistonda, inson huquqlari bo’yicha shug’ullanadigan faollar sanoqli va oppozitsiya tarqoq bo’lgani sabab G’arb dunyosi muxolifatga jiddiy yondashmayapti.
“O’zbekistonda ular juda ozchilikni tashkil etadi. Har bir fikrdoshimiz, fuqaro jamiyati faollari, muxolifat vakillarining har biri bir necha martadan sudlangan, oila a’zolari bir necha martadan sudlangan. Ularning erkin faoliyat yuritishiga imkoniyat qolmagan, ya’ni ular o’zlarini va oila a’zolarini himoya qilishga ko’proq vaqtlarini sarflashga to’g’ri kelayapti”, - deydi Tojiboyeva.
“Mamlakat tashqarisidagi muxolifatga e’tibor qaratadigan bo’lsak, ko’proq qismi aynan bir-biriga nisbatan dushman munosabatda bo’lish bilan bandlar. Tashqaridagi muxolifatning bugungi holati, ularning tarqoqligini O’zbekiston hukumati tomonidan yollangan ayg’oqchilarning samarali mehnati natijasi deb ko’rsak bo’ladi. Yevropa Ittifoqi, G’arb davlatlari mamlakat tashqarisida faoliyat yuritayotgan bugungi muxolifatga jiddiy qaramayapti. Bunga muxolifatchilarimizning o’zlari aybdor deb hisoblayman”.
Yevropa Ittifoqining yetakchi diplomati Ketrin Eshton Toshkentda fuqaro jamiyati faollari, jumladan, "Ezgulik" inson huquqlari jamiyati raisi Vasila Inoyatova bilan ham muloqot qilgan.
Inoyatova fikricha, bugungi kunda siyosiy muxolifatning tan olinishigina O'zbekistonda yuzga kelgan ijtimoiy-siyosiy bo'hronlarni bartaraf etishi mumkin.
"Men inson huquqlari buzilishining obyektiv va subyektiv sababi sifatida mamlakatda real siyosiy muxolifatning mavjud emasligida ko'raman. Albatta, demokratik muxolifat mavjud jamiyatlarda ham inson huquqlari kamsitilishi mumkin, ammo muxolifat bor joyda inson huquqlarining buzilishi O'zbekistondagi kabi sistematik bo'lmaydi, bo'lolmaydi", - deydi Vasila Inoyatova.
"Ezgulik" rahbari uchrashuvda mamlakatdagi diniy erkinliklar, sud-huquq tizimi va fuqaro huquqlari buzilishiga oid masalalarni ko'targan.
Markaziy Osiyo bo'ylab safar qilayotgan yevropalik diplomat endi Qozog’istonga yo'l oladi.
Ketrin Ashton tashrifi suratlarda:
Ketrin Eshton bayonoti, ingliz tilida:
