Milton to’foni 9-oktabr kuni kechki payt Florida shtatining g’arbiy sohiliga urildi. Kamida to’rt kishining o’limi qayd etilgan, o’nlab uylar va inshootlar vayron bo’lgan. 10-oktabr holatiga ko’ra, shtat bo’ylab 3,3 millionga yaqin xonadon va bizneslar elektr ta’minotisiz qolgan.
To’fon shtat ustidan o’tganidan keyin zaiflashib, Atlantika okeani tomon yo’l oldi. Floridada shamol va yomg’irlar davom etmoqda.
