Amerika bugun qanday jamiyat? US presidential inauguration, diversity
Amerika bugun qanday jamiyat?
21-yanvar kuni Vashingtonga prezident Barak Obamaning qasamyod marosimini tomosha qilish uchun mamlakatning har chekkasidan yuz minglab odamlar yig’ildi. “Amerika Ovozi” fursatdan foydalanib, omma fikrini o’rgandi. Suhbatdoshlar, shubhasiz, Amerika qanday jamiyat ekanini aks ettiradi.
Obamani quvvatlayotganlar kim va nima uchun uning tarafida? Ramona Natera Viskonsin shtatidan. Lotin amerikalik muhojirlar oilasidan. Prezident, deydi u, “biz singari yangi amerikaliklarga g’amxo’r”.
“Uning qayta saylangani tarixiy voqea. Obama immigratsiya sistemasini butkul isloh qiladi degan umiddaman”,- deydi Ramona.
Vashington shtatilik Anna Knudson fikricha Obama mamlakat xotin-qizlari dardini tushunadi va ular manfaatini ko’zlab siyosat yuritmoqda. Ayollar Obama tomonda, deydi u.
“Qayta saylandimi, demak, Amerikada ko’pchilik Obama siyosatini yoqlaydi, ayniqsa sog’liqni saqlash va ijtimoiy himoya masalasida. Prezident boylarga emas, o’rtahol odamlarga kuyunadi",- deydi Knudson.
Mark Kim, koreys muhojirlar farzandi, Virjiniya shtatidan. Kelib chiqishi osiyolik bo’lgan amerikaliklar, deydi u, Obamani o’ziga yaqin tutadi.
“Obama bolaligining bir qismini Osiyoda o’tkazgan, Indoneziyada. Gavayi orolida tug’ilgan. U yerda ham osiyoliklar katta sonni tashkil etadi. Prezidentning singlisi bizga o’xshab osiyolik. Madaniyatimizni tushunadi”, - deydi Kim.
Luiziana shtatidan kelgan Troy Tomas esa qora tanli amerikaliklar singari Obamaga haqiqiy qahramon, namuna sifatida qaraydi. Tenglik uchun kurashgan Martin Lyuter Kingning orzusi ro’yobga chiqdi, deydi u, Barak Obama buni uddaladi.
“Irqchilikni yengamiz deya orzu qilgan edi, mana isboti. Atrofga qarang, Obamaning tarafdorlarini ko’rayapsizmi – qora, oq, har xil rangli odamlar. Bu birlik, birdamlikdan darak”,- deydi Tomas.
Amerika demokratik davlat va bag’rikeng jamiyat bo’lishi kerak deb unga asos solgan insonlar aynan shuni niyat qilgan, deydi bu fuqarolar.
Photo Gallery:
Prezident va uning rafiqasi sharafiga bal
Barak Obama prezidentlik uchun ikkinchi bor qasamyod keltirib, Oq Uyda yangi muddatini boshladi. 21-yanvar kuni inauguratsiya ketidan Vashingtonda qator ziyofatlar berildi. Ulardan ikkisi oliy darajali bo'lib, prezident va uning rafiqasi Mishel ular mehmoni bo'ldi. Balni esa ularning raqsisiz tasavvur qilib bo'lmaydi.
Photo Gallery:
Vashingtonda Inauguratsiya kuni
Qasamyod marosimi ketidan poytaxtda katta parad-shodiyona o'tmoqda. Kechga yaqin bayram oqshomi-ball rejalangan. Odil Ruzaliev fotoreportaji
Photo Gallery:
AQShda prezident Obama ikkinchi muddat uchun qasamyod keltirdi
Vashington yuragida, bu davlat qonunchilik organi Kongress joylashgan Kapitoliy qarshisida bugun yuzlab ming odam yig'ilib, prezident Barak Obamaning ikkinchi va so'nggi muddat uchun qasamyod marosimini kuzatdi. So'ngra Obama xalqqa murojaat qildi. Erkinlik, tenglik va adolatni ta'minlash uchun har kuni o'z hissamizni qo'shishimiz, faqat oldinga qadam tashlashimiz kerak, dedi u. Dunyo bo'ylab inson huquqlari va demokratiya madhini kuylar ekanmiz, insoniyat erkin va baxtli yashashli haqli ekanini bir soniya ham yoddan chiqarmaslik kerak, dedi Obama.
Photo Gallery:
Barak Obama prezidentlik uchun ikkinchi bor qasamyod keltirdi
Rasman prezident lavozim uchun 20-yanvar kuni Oq Uyda qasamyod keltiradi, ertasiga esa yana bir bor omma oldida...
Amerika Ovozi
"Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.
