Kongoda demokratiya uchun AQSh 30 million dollar ajratadi

Qo’shma Shtatlar Kongo demokratik respublikasida demokratik jarayonlarni qo’llash va barqarorlikni ta’minlash uchun yordam beradi. Biroq avval prezident Jozef Kabila xizmat muddati tugagach, ishdan ketishga va’da berishi kerak.

Amerika Davlat kotibi Jon Kerri bugun Kinshasada prezident Kabila bilan yuzma-yuz gaplashib oldi va joriy yilgi ommaviy saylovlarni vaqtida o’tkazishga chaqirdi.

Bundan tashqari, Kerri kelgusi prezident saylovlarida konstitutsiyani hurmat qilishga chaqirdi.

Bosh qomusga ko’ra, prezident uch muddat ketma-ket saylanishi mumkin emas. Kabila rozi bo’lganmi-yo’qmi, aytilmayapti.

Kongoda prezident saylovlari 2016-yilga belgilangan.

Kerri, xususan, poygalar xolis va shaffof o’tishi uchun Qo’shma Shtatlar nomidan 30 million dollar va’da qildi.

U prezident Kabila ma’muriyatining sharqiy viloyatlarni ezayotgan radikal jangarilar ustidan g’alabasini olqishladi. Obama hukumati bu davlatda aholining turmush darajasini yaxshilashga yordam berishda davom etadi, deydi AQSh bosh diplomati.

Kongo zaxiraga boy bo’lsa-da, aholi nihoyatda qashshoq, biroq iqtisod o’sib borayotgani aytiladi.

Afrika bo'ylab safar qilayotgan Amerika diplomati Janubiy Sudanda ham to'xtab o'tdi. Bu yosh davlatda rasmiylar hokimiyat talashib, ziddiyat elatlararo nafratni avj oldirgan.