Prezident Barak Obama xalqqa haftalik murojaatida yirik kompaniyalarni soliq to’lamaslik yo’llarini qidirayotganlikda aybladi.
Biznes mamlakatda, ammo qog’ozda ular o’zini xorijiy deb tanishtirib, soliqdan qochishga urinadi, deydi prezident. Mavjud qonunlar bu muammoga qarshi kurasha olmaydi, deydi u.
“Amerikaliklarni iqtisodiy jihatdan vatanparvar bo’lishga undayman”,- dedi Obama bugungi murojaatida.
Muxolifat nazarida prezident xususiy sektorga qarshi siyosatini davom ettirmoqda xolos. Obama uchun boylar dushman, bu aniq, deydi respublikachi kongressmen Stiv Deyns.
Oq uy, besh yildan oshibdiki, soliqni oshirish, amerikaliklarning karmonini quritish payida, deya tanqid qiladi Deyns.
Prezidentning javobi shuki, Amerikada hamma boy yashashga haqli, lekin soliqdan qochich jinoyat. Qonunlarni kuchaytirish kerak, deydi Obama.
