Afrika bo'ylab safar qilayotgan Rim papasi Fransisk bugun Markaziy Afrika Respublikasida.
Bu mamlakat ahli papaning tashrifi musulmon va xristian isyonchilar o'rtasida davom etayotgan ixtilofda burilish yasaydi, deya umidvor.
2013-yilda Markaziy Afrika Respublikasida asosan musulmonlardan iborat isyonkor guruh Prezident Fransua Bozizeni hukumatdan ag'dargan edi.
Shundan beri yurt urush holatida. Ixtilof besh mingdan ziyod odamni hayotdan olib ketdi.
Hafta boshida papa Afrikaning eng qashshoq nuqtalaridan Keniya va Ugandada ham bo'ldi.
