Hindiston: Trampdan Kashmir bo'yicha vositachi bo'lishni so'ramaganmiz

AQSh Prezidenti Donald Trampning Hindiston Bosh vaziri Narendra Modi unga Kashmir masalasida Islomobod va Dehli o’rtasida vositachi bo’lishni taklif qilgani haqidagi gaplari Pokiston va Hindistonda siyosiy to’polonga sabab bo’ldi.

Embed share

Xalqaro hayot - 26-iyul, 2019-yil

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:03:18 0:00

Gap shundaki, Vashington yillar davomida Kashmir muammosiga Pokiston va Hindiston o’zaro hal qilishi kerak bo’lgan masala sifatida qarab kelgan.

Himolay tog’lari mintaqasida joylashgan Kashmir Hindiston va Pokiston o’rtasidagi hudu bo’lib, har ikki mamlakat unga da’vo qiladi. 1947-yildan beri davlatlar mintaqa uchun ikki bor urush qilgan.

Pokiston Bosh vaziri Imron Xonning shu hafta Oq uyga tashrifi paytida Tramp Kashmir masalasida Hindiston Bosh vaziri Narendra Modi bilan gaplashganini, Modi undan vositachi, hakam bo’lishni iltimos qilganini aytdi.

Trampning bu gaplari AQShning ushbu mavzu bo’yicha ko’p yillik siyosatiga ziddir.

Hindiston Tashqi ishlar vaziri Subrahmanyam Jaishankar Hindiston AQShdan masalaga aralashishni so’raganini inkor etdi.

“Parlamentni ishontirib aytmoqchimanki, bosh vazir AQSh prezidentiga bunday iltimos bilan murojaat qilmagan. Qaytaraman, bunday bo’lmagan”, - dedi vazir.

Pokiston Bosh vaziri Imron Xon Vashingtonda AQSh Davlat kotibi Mayk Pompeo bilan uchrashib, Tramp Pokiston pozitsiyasini yaxshi tushunarkan deb uni maqtagan.

Xonning Vashingtondagi Tinchlik institutiga aytishicha, Kashmir taqdiri bo’yicha tortishuvlar Pokiston va Hindiston aloqalarini yaxshilashga g’ov bo’lmoqda.

“Ikki davlat munosabatlari to’g’ri yo’lga endi tushay deb turganda Kashmirda nimadir sodir bo’ladiyu, vaziyat yana eski holiga qaytadi”, - dedi Pokiston rahbari.

Ayrim tahlilchilar nazarida, Tramp Kashmir masalasiga aralashish qanday oqibatlarga olib kelishini tasavvur ham qilolmaydi.

“Hindistonning ko’p yillik rasmiy pozitsiyasi shuki, Kashmir bo’yicha munozaralarga tashqaridan hech kim aralashmasligi kerak, chunki Hindiston nazarida, bu mavzuni muhokama qilishga hojat yo’q, Hindiston hududni o’ziniki deb biladi”, - deydi Vilson markazidan vashingtonlik tahlilchi Maykl Kugelman.

Kuzatuvchilar Trampning Kashmir bo’yicha izohlari va Imron Xonning Oq uyga tashrifi AQSh-Hindiston munosabatlariga qanday ta’sir qilishini tahlil qilishga kirishgan.