Prezident Barak Obama bugun Ebola epidemiyasi bilan olishish uchun G'arbiy Afrikaga safarbar etilgan harbiylarni vatanga qaytarish rejasini e'lon qiladi.
AQSh bu amaliyotlar muvaffaqiyatli kechganini e'tirof etayapti.
Liberiya, Senegalda ishlayotgan 1300 amerikalik askar apreldan boshlab uyga qaytadi. Epidemiyani jilovlashni uddaladik, deydi rasmiylar.
G'arbiy Afrikada taxminan 100 harbiy qolishi, Liberiya armiyasi bilan ishlashda davom etishi kutilmoqda.
Ebola o'tgan bir yilda qariyb 9 ming odamni hayotdan olib ketdi.
Biroq Jahon sog'liqni saqlash tashkiloti kasallikni butunlay yengish uchun hali qilinadigan ishlar bor, deydi.
Ebolaga qarshi global kurash
Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
