Hindistonga tashrif buyurgan AQSh Prezidenti Barak Obama bugun Respublika kuni bayramida mehmon bo'ldi. 1950-yil 26-yanvarida Hindiston mustaqil davlat sifatida ilk konstitutsiyasini qabul qilgan.
Obama mamlakat Bosh vaziri Narendra Modi bilan muloqot qilib, qator bitimlar imzoladi. Tomonlar anchadan beri muzlab turgan yadro bitimi bo'yicha kelishuvga erishganini ma'lum qildi.
Bitim 2008-yilda imzolangan. Unga ko'ra, AQSh Dehliga tinch maqsadlar uchun yadro texnologiyasini uzatishga rozi bo'lgan, ammo yadro inshootlari xavfsizligini Hindiston davlati o'z zimmasiga olmay, bunday obyektlarni qurgan kompaniyalarga yuklagach, Vashington kelishuvni muzlatib qo'ygan edi.
Yakshanba kungi muzokaralar chog'ida tomonlar bir necha million dollarlik umumiy sug'urta jamg'armasini ochishga kelishib oldi.
Bosh vazir Modi ikki mamlakat o'rtasidagi savdodan ko'ngli to'q ekanini bildirdi.
Obama AQSh va Hindiston biznes doiralari ishtirokidagi forumda ham qatnashib, so'ng ertaga Saudiya Arabistoniga uchib ketadi.
