AQShda hukumat yirik axborot agentligi jurnalistlarining telefonlashuviga doir ma’lumotni yashirincha qo’lga kiritgani jamoatchilik diqqat markazida.
“Assoshieyted Press” axborot agentligi Adliya vazirligini jurnalistlar ishiga noqonuniy ravishda aralashganlikda, axborot erkinligini qo’pol tarzda buzayotganlikda ayblamoqda.
Adliya vaziri Erik Xolder esa bu yurt xavfsizligi uchun zarur chora edi, deydi.
“1976-yildan beri prokuror bo’lib ishlayman va ishontirib aytamanki, axborot agentligi maxfiy ma’lumotni oshkor qilib, jamoatchilikni xavf ostiga qo’ygan. Eng qaltis ikki-uch tergovdan biri haqida gap ketayapti”, - deydi vazir kecha Vashingtondagi matbuot anjumanida.
Rasmiy tergov tafsilotlarini ma’lum qilmadi. Lekin AQSh ma’murlarining aytishicha, 2012-yilning mayida “Assoshieyted Press” agentligi chop etgan maqola haqida gap ketayapti.
Unda al-Qoidaning AQShga qarashli samolyotni portlatish rejasi va Markaziy razvedka boshqarmasi bu rejani qanday fosh etgani haqida o’ta maxfiy ma’lumot keltirilgan.
Erik Xolder nazarida jurnalistlar sirli axborotni e’lon qilib, xalq hayotini xavf ostiga qo’ygan.
“Assoshieyted Press”ning bildirishicha, hukumat o’tgan yili ikki oy davomida agentlik muxbirlari, muharrirlari kimga qo’ng’iroq qilgani va ularga kim telefon qilgani haqidagi axborotni qo’lga kiritgan.
“Assoshieyted Press” axborot agentligi Adliya vazirligini jurnalistlar ishiga noqonuniy ravishda aralashganlikda, axborot erkinligini qo’pol tarzda buzayotganlikda ayblamoqda.
Adliya vaziri Erik Xolder esa bu yurt xavfsizligi uchun zarur chora edi, deydi.
“1976-yildan beri prokuror bo’lib ishlayman va ishontirib aytamanki, axborot agentligi maxfiy ma’lumotni oshkor qilib, jamoatchilikni xavf ostiga qo’ygan. Eng qaltis ikki-uch tergovdan biri haqida gap ketayapti”, - deydi vazir kecha Vashingtondagi matbuot anjumanida.
Rasmiy tergov tafsilotlarini ma’lum qilmadi. Lekin AQSh ma’murlarining aytishicha, 2012-yilning mayida “Assoshieyted Press” agentligi chop etgan maqola haqida gap ketayapti.
Unda al-Qoidaning AQShga qarashli samolyotni portlatish rejasi va Markaziy razvedka boshqarmasi bu rejani qanday fosh etgani haqida o’ta maxfiy ma’lumot keltirilgan.
Erik Xolder nazarida jurnalistlar sirli axborotni e’lon qilib, xalq hayotini xavf ostiga qo’ygan.
“Assoshieyted Press”ning bildirishicha, hukumat o’tgan yili ikki oy davomida agentlik muxbirlari, muharrirlari kimga qo’ng’iroq qilgani va ularga kim telefon qilgani haqidagi axborotni qo’lga kiritgan.
