Orlandolik o'zbek imomi Nyu-Yorkdagi xurujni qoralamoqda

Florida shtatining Orlando shahridagi Al-Buxoriy Islom markazi direktori Ilyosxon Toshho'jayev 31-oktabr kuni Nyu-Yorkda sodir etilgan xurujga munosabat bildirdi.

O’zbek imomi Sayfullo Soipov qo’l urgan jinoyatni qoralarkan, xurujning na o’zbek millati va na islom diniga aloqasi borligini aytadi.

“Bu diniy emas, balki axloqiy masala”, - dedi u.

Al-Buxoriy Islom markazi Orlandoda shu yil avgust boshida ochilgan. Asosiy maqsadi yosh avlodni diniy va dunyoviy sog’lom e’tiqodda yetishtirishlikdir, deydi Ilyosxon Toshho’jayev.

Markaz rahbari O’zbekiston Prezidenti Shavkat Mirziyoyev sentabr oyida Nyu-Yorkka borganida u bilan uchrashib, markaz haqida ma’lumot berishga harakat qilgan.