Learning English
VOA
site logo site logo
Oldingi Keyingi
Breaking News
AQSh-Markaziy Osiyo

O'zbekistonda biznes muhit haqiqatdan ham yaxshilandimi?

Amerika-O'zbekiston biznes forumi, Vashington, 22-oktabr, 2019
Amerika-O'zbekiston biznes forumi, Vashington, 22-oktabr, 2019
VASHINGTON — 

O'zbekiston hukumatiga ko'ra, mamlakatda biznes muhit va sarmoya uchun sharoit yaxshilanib bormoqda. Jahon bankining xulosasi ham shu. Aslida vaziyat qanday? "Amerika Ovozi" shunday savol bilan respublikada ishlayotgan kompaniyalarga murojaat qildi.​ J.P. Natkin - "Macro-Advisory" degan konsalting firmasi rahbarlaridan biri. Natkin va uning xodimlari Amerika xususiy sektoriga Markaziy Osiyo, xususan O'zbekiston bo'yicha maslahat va tahlil taklif qiladi. Natkin bilan 22-oktabr kuni Vashingtonda o'tgan Amerika-O'zbekiston biznes forumida gaplashdik.

O'zbekistonda biznes qilish osonlashdimi?
Embed
O'zbekistonda biznes qilish osonlashdimi?
by Amerika Ovozi

No media source currently available

0:00 0:06:56 0:00
Yuklab oling


Navbahor Imamova, "Amerika Ovozi": Nima uchun O'zbekiston? Bilamiz, siz boshqa mamlakatlarda ham ishlaysiz. Lekin sizniki singari firmalar nega aynan O'zbekistonga e'tiborni oshirmoqda? Hukumatning tub islohotlar haqidagi gaplariga jiddiy qaraysizmi? Haqiqat bormi bu bayonotlarda sizning nazaringizda? O'zbekistonga kelsangiz, balki butun Markaziy Osiyodagi imkoniyatlarni ochgan bo'lasiz, degan gaplar aytilyapti hozir bu forumda.

J.P. Natkin, "Macro-Advisory": Xuddi shunday. Hukumatning gaplariga jiddiy yondashamiz va qunt bilan eshitamiz. Bizning mijozlarimiz O'zbekistondagi muhit va imkoniyatlarga qaraganida butun Markaziy Osiyoni yodda tutadi va xususan Afg'onistonni ham. O'zbekiston - mintaqa darvozasi. Tijorat va sarmoya bobida bu davlat bilan ishlay olmasangiz, qiyin. O'zbekiston shuni anglagan holda biz bilan hamkorlik qilmoqda. Bizning mijozlarimiz "Fortune 500", dunyoning eng yirik kompaniyalaridan. Ular investitsiya qilsa, bir davlatga ko'z tikmaydi, ularning yondashuvi regional.

Navbahor Imamova, VOA: Siz bu forumlarda faol qatnashasiz. Amerika-O'zbekiston Tijorat Palatasi a'zosisiz. Nima foyda sizga bundan?

J.P. Natkin, "Macro-Advisory": Biz butun Yevrosiyo bo'ylab turli sohalarda biznes qilayotgan korporatsiyalarga maslahatchimiz. Ishimiz - makroiqtisodiy tahlil va kelajakni rejalashda investorlarga yordamlashish. Belarus, Ukraina, Rossiya, Mongoliya, Markaziy Osiyoning besh davlati, Armaniston, Ozarbayjon, Gruziya va hatto Eron. Biz "Fortune 500" kompaniyalariga bu mamlakatlardagi siyosat, tizim va sharoitni tushuntirib beramiz. Sohama-soha, sanoatma-sanoat, raqobat... Biz mamlakatlardamiz. Mening sherigim, firmamizni men bilan ochgan Kris Uifer (Chris Weafer) mintaqada ishlaydi.

Navbahor Imamova, "Amerika Ovozi": Mahalliy mutaxassislar bilan ishlaysizmi?

J.P. Natkin, "Macro-Advisory": Mutaxassislarimiz asosan o'sha yerdan. Men va ikki xodimim Vashingtondamiz. Biz AQSh hukumati bilan aloqalarga mas'ulmiz, ya'ni bu yerdan turib, mintaqadagi faoliyatimiz o'sishi uchun zarur ishlarni qilamiz. Ayrim raqobatchilarimiz mintaqaga yilda ikki marta borib kelib, dunyoning bu qismini bilamiz, deydi. Biz bunga ishonmaymiz. Biz o'sha yerdamiz.

Navbahor Imamova, "Amerika Ovozi": Mintaqadan ishlashning ahamiyati, ta'siri boshqacha?

J.P. Natkin, "Macro-Advisory": Xuddi shunday.

Navbahor Imamova, "Amerika Ovozi": Xo'sh, unda sizningcha nima o'zgardi?

J.P. Natkin, "Macro-Advisory": Sezayapmiz ularni.

Navbahor Imamova, "Amerika Ovozi": Nimada sezayapsiz? Mana hozir Sarmoya va tashqi savdo vaziri Sardor Umurzoqov dediki, O'zbekiston radikal darajada isloh qilinmoqda. Sizningcha, bu nima degani?

American-Uzbekistan business forum, Washington, October 22, 2019
Buni ham ko'ring

U.S.-Uzbekistan: Macro-Advisory's J.P. Natkin on changes in Central Asia

J.P. Natkin, "Macro-Advisory": Ikki yarim yil oldin biz O'zbekistonda emas edik va ishlamasdik. Hozirda O'zbekiston Yevrosiyodagi eng katta bozorlardan ikkinchisi. Birinchisi Rossiya. O'zbekistonga qiziqish juda yuqori. Tabiiy boyliklardan tortib, qishloq xo'jaligigacha. Muammolar ko'p, ulardan bir pasda qutula olmaysiz. Xatolar bo'ladi, qoqilishadi. Biz mijozlarga aytamiz: ish hech qachon bir maromda kechmaydi. Lekin ishlay olishingiz kerak. Bizning nazarimizda hukumat bozorni ochyapti, iqtisodni erkinlashtirmoqda. Ular xorijdan to'g'ridan-to'g'ri va strategik sarmoya izlamoqda. Aytganimdek, rejalarning hammasi ham amalga oshmasligi mumkin. Mijozlarimiz - bunday muhitlarda tajriba orttirgan bizneslar. Osiyo, Yevrosiyo, Afrika va Lotin Amerikasida. Yangi bir jihati - O'zbekiston hozir kimlar bilan ishlamoqchi ekanini biladi, atrofiga yaxshiroq qaramoqda, mintaqaviy rolini tushunadi va imkoniyatlarini ishga solmoqchi. Mana shular - katta o'zgarishlar.

Navbahor Imamova, "Amerika Ovozi": Amerika sarmoyachilari nimalarga e'tibor qaratyapti O'zbekistonda? Nima ularni qiziqtiradi asosan?

J.P. Natkin, "Macro-Advisory": Rang-barang...

Navbahor Imamova, "Amerika Ovozi": Sohama-soha qarasak agar.

J.P. Natkin, "Macro-Advisory": Deyarli hamma sohaga qiziqish bor. Lekin asosan oziq-ovqat, qishloq xo'jaligi, tabiiy boyliklarni qazish va chiqarish, logistika, transport, sog'liqni saqlash va iste'mol mollari. O'zbekiston uzoq vaqt yopiq turib, uning qanday bozor bo'lishi mumkinligi odamlarning esidan chiqib ketgan edi, ochig'i. Hozir mana yana kashf etishmoqda. Bolalarning tagligidan tortib, dori-darmongacha, bozor katta bu respublikada. Unga kirdingizmi, qolgan bozorlar ham yaraladi, ochiladi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

Back to top
XS
SM
MD
LG