“Yangi O’zbekiston”ning hibsdagi faollari

Sanjarali Imom - dramaturg, yozuvchi, muxolifat faoli. Ijtimoiy tarmoqlarda tanqidiy chiqishlari bilan tanilgan. 13-mart kuni hibsga olingan. Dastlabki ma’lumotlarga ko’ra, konstitutsiyaviy tuzumga qarshi harakatda, noqonuniy guruhlar tuzishda ayblanmoqda. Sanjarali Imom hukumatga muxolifligini ochiq bildirib kelgan. Abduqodir Mo’minov - “Ko’zgu” nashri rahbari. 8-fevral kuni hibsga olingan. Ichki ishlar boshqarmasi uni firibgarlikda, tovlamachilik yo’li bilan pul talab qilishda ayblamoqda. Mo’minov “Ko’zgu” nashri orqali keskin tanqidiy chiqishlari bilan tanilgan. Xurshid Daliyev - Human.uz sayti bosh direktori. Davlat xavfsizlik xizmati uni 27-yanvarda olib ketgan va ofisiga reyd uyushtirgan. Xodimlari so’roq qilingan. Daliyevga nisbatan jinoyat ishi ochilib, Telegramda “Kompramatuzb” kanali vositasida tovlamachilikda ayblanmoqda. Mavjuda Mirzayeva - hozirda nomi o'zgargan Bandlik va mehnat munosabatlari vazirligining matbuot xizmati rahbari. “Komparmatuzb” ishi doirasida hibsga olingan. O’zbekiston TV sobiq xodimi. Televideniyedagi senzura haqidagi chiqishlari ortidan ishdan olingan.