Tolibon besh oy 320 metrlik tunnel qaziganini aytib, mahbuslarni olib chiqqanini bayon etmoqda.
Afg’on rasmiylarining aytishicha, kecha tunda janubdagi Qandahor shahar qamoqxonasidan 475 mahbus, jumladan toliblar qochgan. Tolibon besh oy davomida Sarposa qamoqxonasigacha 320 metrlik tunnel qaziganini aytmoqda.
Qochganlar orasida Tolibonning 100 odami bor. Hukumat kuchlari ularning iziga tushib, hozirga qadar 11 nafarini ushlashga muvaffaq bo’lgan.
2008-yilda jangarilar xuddi shu qamoqxona darvozasini portlatib, yuzlab mahbuslarni ozod etgan edi.