Avstraliya Qurolli kuchlari qo’mondonligi to’rt yillik tergov natijasini e’lon qildi. Unga ko’ra, Avstraliya maxsus kuchlarining 25 a’zosi Afg’onistonda tinch aholini jang maydonidan tashqarida o’ldirib harbiy jinoyatlar sodir etgan.
Your browser doesn’t support HTML5
Xalqaro hayot - 19-noyabr, 2020-yil
“Harbiy sudya Pol Brereton askarlarga qarshi 57 ta da’voni sinchkovlik bilan o’rganib chiqib, 23 holatda 39 odam noqonuniy o’ldirilgan degan xulosaga keldi. Jinoyatlarga, asosan, maxsus aviadesant xizmati polki jangchilari qo’l urgan. Qurbonlar orasida dehqonlar va boshqa fuqarolar bor. Harbiylar yangi askarlarni asirlarni otishga majburlagan”, - deydi Avstraliya Mudofaa kuchlari qo’mondoni general Angus Kempbell.
Jinoyatlar 2006-yildan 2013-yilgacha sodir etilgani aytiladi. General afg’on xalqidan uzr so’rab, jinoyatlarda gumon qilinayotgan askarlar ishlari bilan politsiya shug’ullanishini, ularning aybi isbotlansa, tergov hujjatlari Gaagadagi harbiy tribunalga oshirilishini aytdi.
Hisobot muallifi Avstraliya hukumatiga qurbonlar oilalalariga kompensatsiya to’lashni tavsiya qilmoqda.
Avstraliyaning Afg’onistonda salkam 1500 askari NATO kuchlari tarkibida xizmat qilmoqda.