Amerika Osiyoga, ayniqsa savdo-sotiqqa e'tiborni oshiradi
Amerika Ovozi
Pekindagi muzokaralar, 4-sentabr, 2012
AQSh Davlat kotibasi Xillari Klinton deydiki, Vashington oldidagi muhim vazifalardan biri - dunyo bo’ylab o’z iqtisodiy manfaatlarini targ’ib qilish.
Klinton xonim bu haqda Singapurda biznes va siyosat ahli oldida so’zladi.
Kambodjada Osiyo-Tinch okeani sammiti ochilish arafasida. Prezident Barak Obama unda ishtirok etadi.
Amerika dunyoning bu qismiga e’tiborni oshirmoqda, deydi Xillari Klinton. Azaliy ittifoqchilar bilan rishtalar yanad mustahkamlanib, savdo-sotiq ko’lami kengayadi, deydi u.
Qayta saylangan prezident Obama Osiyo safarida kelasi to’rt yil ichida bu bu mintaqalarda nimalarni ko’zlagani haqida gapirishi kutilmoqda.
Obama Birmaga ham tashrif buyuradi. Amerika rahbari tarixda bu yurtga qadam bosmagan.
Birmada musulmon aholi tazyiq va hujumlardan dod der ekan, hukumat ularni himoya qilishga bel bog'lagan.
Buddistlar va musulmonlar orasidagi qonli to’qnashuvlarga toqat qilinmaydi, deydi rahbarlar.
BMT diniy erkinlik ta’minlansin degan talabni qo'ymoqda.
Obama Birma va Kambodjadan tashqari Tailandda ham bo’ladi.
Muzokaralarda iqtisodiy aloqalardan tashqari huquq va demokratiyaga alohida diqqat qaratiladi.
