AQSh Misrning yangi saylangan prezidenti Abdul Fattoh al-Sissiyni hukumat shaffofligi va hisobdorligini oshirib, fuqaro huquqlarini hurmat qilishga undamoqda.
Oq uy 4-iyun kuni chiqargan bayonotga ko'ra, prezident Barak Obama al-Sissiy bilan yaqin orada gaplashishni rejalamoqda.
Al-Sissiy o’tgan hafta bo’lib o’tgan saylovlarda ovozlarning 97 foizini olishga muvaffaq bo’ldi.
Misrning yangi rahbari iqtisodni barqarorlashtirish hamda siyosiy inqirozga chek qo’yish haqida gapirdi.
“Siz o’z burchingizni bajardingiz, - dedi u fuqarolarning ovoz berganini nazarda tutib, - endi esa Misrni porloq kelajak sari yetaklaydigan ishni boshlash vaqti keldi. Mamlakatimizda barqarorlikni kafolatlaydigan ishni. Misrliklar loyiq turmush tarzini kafolatlaydigan ishni. Kelajak yangi sahifadek toza. Uni non, erkinlik, insonga hurmat va ijtimoiy adolat bilan to’ldirish bizga bog’liq. Agar bu masalada yakdil bo’lmasak, xalqimiz, o’zimiz va farzandlarimiz oldida gunohkor bo’lamiz”.
Dastlabki hisob-kitoblarga ko’ra, ovoz berish huquqiga ega 54 million misrlikdan 47 foizi saylovda qatnashgan. 2012-yilgi Muhammad Mursiyni hokimiyatga olib kelgan saylovda saylovchilarning 52 foizi ovoz bergan edi.
Faoliyati qonunga zid deb topilgan “Musulmon birodarlar” tashkiloti saylovlarda qatnashmaslikka da’vat etdi, al-Sissiy prezidentligini esa demokratik yo’l bilan saylangan Mursiyni hokimiyatdan chetlashtirgan harbiy to’ntaruvning davomi deb atadi.
Oq uy 4-iyun kuni chiqargan bayonotga ko'ra, prezident Barak Obama al-Sissiy bilan yaqin orada gaplashishni rejalamoqda.
Al-Sissiy o’tgan hafta bo’lib o’tgan saylovlarda ovozlarning 97 foizini olishga muvaffaq bo’ldi.
Misrning yangi rahbari iqtisodni barqarorlashtirish hamda siyosiy inqirozga chek qo’yish haqida gapirdi.
“Siz o’z burchingizni bajardingiz, - dedi u fuqarolarning ovoz berganini nazarda tutib, - endi esa Misrni porloq kelajak sari yetaklaydigan ishni boshlash vaqti keldi. Mamlakatimizda barqarorlikni kafolatlaydigan ishni. Misrliklar loyiq turmush tarzini kafolatlaydigan ishni. Kelajak yangi sahifadek toza. Uni non, erkinlik, insonga hurmat va ijtimoiy adolat bilan to’ldirish bizga bog’liq. Agar bu masalada yakdil bo’lmasak, xalqimiz, o’zimiz va farzandlarimiz oldida gunohkor bo’lamiz”.
Dastlabki hisob-kitoblarga ko’ra, ovoz berish huquqiga ega 54 million misrlikdan 47 foizi saylovda qatnashgan. 2012-yilgi Muhammad Mursiyni hokimiyatga olib kelgan saylovda saylovchilarning 52 foizi ovoz bergan edi.
Faoliyati qonunga zid deb topilgan “Musulmon birodarlar” tashkiloti saylovlarda qatnashmaslikka da’vat etdi, al-Sissiy prezidentligini esa demokratik yo’l bilan saylangan Mursiyni hokimiyatdan chetlashtirgan harbiy to’ntaruvning davomi deb atadi.