Eron bir yil oldin Ukrainaga qarashli yo’lovchi samolyotni urib tushirgani uchun qurbonlar oilalariga kompensatsiya to’lashga rozi bo’lgan. Tehron shu maqsadda 30 million dollar ajratgan. Samolyotda 176 ta odam bo’lgan, har biri uchun 150 ming dollar to’lanadi.
Your browser doesn’t support HTML5
Xalqaro hayot – 6-yanvar, 2021-yil
Eron avvaliga fojia uchun mas’uliyatni o’z bo’yniga olishdan bosh tortgan, biroq G’arb mamlakatlari qator dalillar taqdim etganidan so’ng aybiga iqror bo’ldi.
Eron Prezidenti Hasan Ruhoniy samolyotni urib tushirgan odamlar javobgarlikka tortilishini tasdiqladi.
"Bunday qaror ortida qanday sabab bo’lishidan qat’i nazar, xatomi yoki boshqa, ular jinoiy qilmishlari uchun sudda javob beradi”, - dedi Ruhoniy.
2020-yil 3-yanvarida Qo’shma Shtatlar Eron generalini Iroqda dron hujumida o’ldirishi ketidan Eron AQShning Iroqdagi askarlarini ballistik raketadan nishonga oladi. Tergovdan ma’lum bo’lishicha, Eron havo mudofaasi tizimi Tehron aeroportidan Kiyev tomon havoga ko’tarilgan yo’lovchi samolyotni raketa deb o’ylab, uni urib tushirgan.
Qurbonlarning aksariyati eronlik. Kanada, Ukraina, Shvetsiya, Afg’oniston, Britaniya fuqarolari ham nobud bo’lgan.