"Reyter" axborot agentligining xabar berishicha, yozning jazirama issig’ida Qozog’iston g’arbida, Kaspiy dengizi bo’yida joylashgan Mang’ishloq yarimorolidagi cho’llarda qurg’oqchilik mahalliy aholini suvsiz va oziq-ovqatsiz qoldirdi.
Your browser doesn’t support HTML5
Xalqaro hayot – 6-avgust, 2021-yil
"Otni arqonda ushlab turishga majburmiz. O’t yo’q, yegulik yo’q, ot oyoqda turmayapti, yiqilib tushyapti”, - deydi bir ayol.
Qurg’oqchilik oqibatida mahsulotlarga, xususan pichan va arpaga narxlar keskin ko’tarilib ketdi. Ayrim fermerlar ho’l kartonni maydalab, yemga qo’shib yilqiga bermoqda.
Bu yoz butun Markaziy Osiyoda yuqori harorat qayd etildi. Qozog’iston chorva uchun yem eksportini taqiqlab, qo’shni mamlakatlardan qo’shimcha suv so’ragan.
Qozoqlar qazi va qimizni ko’p iste’mol qiladi, yilqichilik keng tarqalgan.
70 yashar G’abidulla Qalinbayo’g’li nafaqagacha cho’pon bo’lib ishlagan. 2002-yilda u kichik bir qishloqda yilqichilik fermasini tashkil etgan. Ammo uning 20 nafar oti shu yoz nobud bo’ldi. Fermada hozir 150 ta ot qolgan. To’yib ovqat yeyishmaydi, zaif, parazitlar va kasallikka moyil.
Mang’istau viloyatida 1000 dan ortiq chorva nobud bo’lgan. Cho’lda o’lib yotgan otlarni uchratish mumkin.
Hukumat hududga arpa yetkazishini ma’lum qildi, biroq bu qisqa muddatda yordam berishi mumkin, xolos. Uzoq muddatda esa ahvol yomonlashishi kutilmoqda. Qozog’iston gidrometeorologiya xizmatiga ko’ra, mintaqada har 10 yilda harorat 0,3 darajaga ko’tarilmoqda.
Yana bir muammo shuki, Kaspiy dengizida suv kamayib bormoqda. Bu esa qurg’oqchilik kuchayishda davom etadi degani.