AQSh Davlat kotibi Jon Kerri Xitoyga safaridan oldin bu mamlakat bilan munosabatlarniтп o'ta muhimligini ta'kidladi. Kerri kecha Yevropa, Yaqin Sharq va Osiyo bo'ylab safarga chiqqan.
U Pekinda Osiyo-Tinch okeani iqtisodiy hamkorlik tashkilotining tashqi ishlar vazirlari majlisida qatnashadi. Keyinchalik Prezident Obama guruh sammitiga borishi kutilmoqda.
Kerriga ko'ra, 21-asr siyosati AQSh-Xitoy munosabatlariga qarab shakllanadi.
"Mamlakatlarimiz jahon ahamiyatiga ega qator masalalarda, jumladan iqlim o'zgarishi va global savdo bobida konstruktiv hamkorlikni o'rnatish imkoniga ega. Biroq inson huquqlari, kiber-josuslik, dengiz xavfsizligi masalalarida qarashlarimiz farqli va bu borada o'z pozitsiyamizdan, munozaradan qaytmaymiz", - dedi Kerri.
Davlat departamenti vakillarining bildirishicha, Kerri Parijda Eron yadro dasturi xususida ham gaplashib, so'ng Ummonda shu masala bo'yicha Eron Tashqi ishlar vaziri Javod Zarif va Yevropa Ittifoqi rasmiylari bilan uchrashmoqchi.