Amerika bosh diplomati Jon Kerrining aytishicha, qonxo'r "Islomiy davlat" to'dasini yo'q qilish yo'lidagi xalqaro harakatlar to'g'ri yo'ldan ketmoqda.
Lekin Liviya va Iroqda tinchlik qaror topishi uchun ko'proq ish qilinishi kerak, deydi Davlat kotibi.
Jangari guruh bir davlatdan ikkinchisini o'sib, ildiz otayotganini ko'rib turibmiz, deydi Kerri.
Bugun aynan Liviyada radikal to'daning xavfi tobora oshib borayapti, deydi u. Jon Kerri Rimda Amerika boshchiligidagi koalitsiyaga a'zo 21 davlat vazirlarining majlisida so'zladi.
Amerika diplomati "Islomiy davlat" jangari guruhi Liviyaning boy neft zaxiralarini qo'lga kiritishi, moliyaviy qudrati o'sishi mumkin ekanini, mamlakatda nizo qilayotgan tomonlar qo'shma hukumat tuzishga kelishib olishi zarur ekanini eslatdi.
Jon Kerri Suriyadagi ahvolni halokat deya ta'riflab, dunyo ahli Ikkinchi jahon urushidan beri hali bunday fojeani ko'rgan emas, dedi.
Your browser doesn’t support HTML5
Obama: "Islomiy davlat" yer tishlaydi