Qirg’izistonda, rasmiy ma'lumotlarga ko'ra, qariyb 2000 diniy tashkilot bor. Bu juda katta son, deya xavotirga tushayotganlar ko'p.
Sabab nima? Oqibatlari qanday bo'lishi mumkin? Diniy uyg'onishmi bu yo jamiyatdagi boshqa masalalarga borib taqaladimi?
Yaqinda Bishkekda “Markaziy Osiyoda islom uyg’onish jarayoni” mavzusida xalqaro anjuman bo’lib o'tdi. Unda musulmon dunyosidagi vaziyat, e'tiqod va ulamolarning roli haqida gap ketdi.
Unda ishtirok etgan taqvodor, Jalol-Oboddagi Islomiy tadqiqotlar markazi rahbari, nufuzli tahlilchi Dilmurod Orozov bilan suhbatda bo'lib, qator masalalarda uning fikrini o'rgandik.
