Your browser doesn’t support HTML5
"Amerika Ovozi" xabarlari, 5-oktabr, 2013
Vashingtonda, Kapitoliy ro’parasida kecha bir odam o’ziga o’t qo’ygan. Guvohlarning aytishicha, qora tanli bu shaxs o’zining ustidan benzin sepib, keyin gugurt yoqqan.
O’sha atrofdagi odamlar shosha-pisha, qo’lida bor narsa bilan o’tni o’chirishga tushgan. Shifokorlarning aytishicha, uning ahvoli og’ir. Politsiya voqea ortidagi sabablar haqida sukutda.
Bu orada, Amerika rasmiylari Kapitoliy yonida otishmaga sabab bo’lgan ayolning xatti-harakatini tergov qilmoqda. Qora tanli bu ayol mashinada Oq uy yonidagi to’siqlarni buzib o’tishga uringan.
Politsiya uning ketidan quvib, Kongress binosi yaqinida otib o’ldirgan edi. Mashinada bir yoshli farzandi ham bo’lgan. 34 yoshli Miriam Keriyning oilasi payshanba kungi fojeadan hayratda.
Singlisining aytishicha, ayol avgustda bolali bo’lganidan so’ng ruhiy tushkunlikka tushgan, shundan beri o’ziga kelolmay yurgan.
Politsiyaning bildirishicha, bir yoshli qizaloqqa ziyon yetmagan. Otishmada ikki politsiyachi jarohatlangan edi.