Jurnalistlarni qamashda O’zbekiston yetakchilardan

Joriy yilda dunyoda jami 232 muxbir turmaga tashlagan. 1990-yildan beri xatlov yuritayotgan Jurnalistlarni himoya qilish qo’mitasi (Committee to Protect Journalists) nazarida bu rekord ko’rsatkich.

Kundalik Eshittirish, 11-dekabr, 2012-yil

Jurnalistika - tobora xavfli soha

Turkiya jurnalistlarni qamashda yetakchi davlat

O'rinboy Usmonov: Jurnalist hech qachon zulmga uchramasin

Jurnalist Shohruh Soipov bilan suhbat

Malohat Eshonqulova bilan suhbat

49 jurnalistni qamagan Turkiya birinchi o’rinda.

Keyingi satrda Eron – islomiy respublikada 45 jurnalist panjara ortida.

Ommaviy axborot vositalari xodimlarini eng ko’p hibsga oluvchi o’ntalikda shuningdek, Xitoy, Vyetnam, Eritreya, Suriya, Ozarbayjon, Efiopiya, O’zbekiston va Saudiya Arabistonini ko’rish mumkin.

O’zbekiston va Ozarbayjonda hukumat qalam ahlini qamash uchun qoradori iste’moli va bezorilik kabi ayblovlarni keng qo’llaydi, deyiladi Jurnalistlarni himoya qilish qo’mitasi hisobotida.

Bugun Xitoyda 32 jurnalist qamoqda. Tibet va Shinjon viloyatlarida ishlayotgan muxbirlar eng ko’p bosimga olinayotganlardan.

Hibsdagi jurnalistlarning uchdan ikki qismi etnik ziddiyatni qalamga olgan tibetlik yoki uyg’ur.