Nyu-York politsiyasi musulmonlarni kuzatishni bas qildi
Amerika Ovozi
Nyu-York shahar politsiya boshqarmasi musulmon jamoalarni kuzatish bilan shug’ullangan maxfiy bo’linma tarqatilgani haqida ma’lum qildi.
Guruhdagi politsiyachilar fuqaro kiyimida josuslik bilan shug’ullangan. Musulmon jamoalar faollari bundan xabar topgach boshqarmani fuqarolar huquqlarini poymol etayotganlikda ayblab janjal ko’targan.
Nazorat kitob do’konlari, restoranlar va masjidlarda, turli tadbirlar paytida olib borilar edi. Bo’linma musulmonlarning kundalik hayotini o’rganish bilan shug’ullangan.
Politsiyaga ko’ra, ular bu bilan musulmonlar orasida terrorchilar va ularning hamtovoqlarini aniqlamoqchi, shu tariqa terror xurujlarining oldini olmoqchi bo’lgan.
