Suriya: Hims shahrida minglab odam urush maydonida qolib ketgan
Amerika Ovozi
BMT mashinalari Himsga yo'l olmoqda
Birlashgan Millatlar Tashkiloti Suriyaning Hims shahrida jangarilar bosib olgan hududlarga yordam yetkazish harakatida.
Minglab aholi u yerlarda oziq-ovqatsiz, dori-darmon va eng zarur vositalarsiz qolib ketgan, deydi tashkilot xodimlari.
Minglab odam shu kungacha evakuatsiya qilingan. Lekin bu paytda ham janglar to’xtamagan.
Hims bir yildan beri qamalda. BMT hukumat va u bilan olishayotgan isyonchi guruhlarni insonparvarlik yordami uchun yo’l ochishga chaqirmoqda. Xalqaro ishchilarga o’q uzish jinoyat, deya eslatmoqda gumanitar masalalar bo’yicha bosh vakil Valeri Amos.
Prezident Bashar al-Assad Himsda qo’shinlar uch kunlik tanaffus e’lon qilishi mumkinligi haqida aytgan.
2011-yilning martida boshlangan qo’zg’olon qonli tus olib, fuqaro urushiga aylandi. Shu kungacha 130 mingdan oshiq odam nobud bo’ldi.
