AQSh Prezidenti Donald Tramp koronavirus bilan kasallanishi ketidan prezidentlikka da’vogarlar o’rtasidagi teledebatlarni tashkil qiluvchi komissiya 15-oktabrga rejalangan ikkinchi debatni virtual shaklda o’tkazishga qaror qildi. Biroq Tramp bunga e'tiroz bildirdi. Undan ko’ra, dedi prezident, saylovchilar bilan uchrashganim yaxshi.
Your browser doesn’t support HTML5
Xalqaro hayot – 9-oktabr, 2020-yil
“Vaqtimni virtual debatga sarflamayman. Munozaradan maqsad kompyuter ekrani qarshisida o’tirib tortishish emas. Bu - ahmoqlik”, - dedi Tramp.
Prezident ikkinchi va uchinchi debat kunlarini bir haftaga kechiktirishni taklif etdi. Biroq uning saylovdagi raqibi, demokrat Jo Bayden saylov shtabi bunga ko’nmadi. Bayden so’nggi debat 22-oktabrgacha o’tkazilsin, demoqda va agar Tramp virtual debatdan bosh tortsa, 15-oktabr kuni saylovchilar savollariga javob berishini bildirdi.