Ukrainada bugun bo'lib o'tgan prezident saylovlarining birinchi bosqichida qiziqchi va aktyor Vladimir Zelenskiy o'zidan keyingi nomzoddan salkam 100 foizlik farq bilan oldinda ketmoqda. Markaziy saylov komissiyasi bergan raqamlarga ko'ra, Zelenskiy 30,4 foiz ovoz to'plab, 17,8 foiz ovoz olgan amaldagi Prezident Petro Poroshenkoni ortda qoldirgan.
Your browser doesn’t support HTML5
Ukraina saylovlarida Zelenskiy birinchi, Poroshenko ikkinchi
Saylovlarning 21-aprelga belgilangan ikkinchi bosqichida Zelenskiy va Poroshenko o'zaro bellashishi mumkin, biroq saylovlarda uchinchi o'rinda ketayotgan sobiq bosh vazira Yuliya Timoshenkoning aytishicha, saylov natijalari haqiqiy holatni aks ettirmaydi, saylovda jiddiy qonunbuzarliklarga yo'l qo'yilgan.
Timoshenkoga saylovchilarning 14,2 foizi ovoz bergani aytilmoqda.
Poroshenko 2014-yil inqilobi ketidan saylangan. Timoshenko o'shanda ham 15 foizdan kam (12,81%) ovoz olgan edi.