AQSh Moliya vaziri Jek Lyu Ukraina rahbariyatini o'z xarajatlarini qisqartirishga, iqtisodiy islohotlarni amalga oshirishga undayapti. Uning aytishicha, Xalqaro valyuta jamg'armasidan madad olish uchun davlat astoydil harakat qilishi kerak bo'ladi.
Lyu seshanba kuni Vashingtonda Ukraina Bosh vaziri Arseniy Yatsenyuk va Moliya vaziri Natali Yareskoni qabul qildi. Ikki arbob Vashingtonga kelib, Xalqaro valyuta jamg'armasidan 17 yarim milliard dollar yordamni tezroq uzatishni so'rayapati. Ukrainaning oqsayotgan iqtisodiyoti uchun bu nihoyatda muhim.
Jamg'armaning talabi shuki, qarz olayotgan davlat o'z sarfiyatlarini keskin qisqartirishi kerak.
Yatsenyukning kecha aytishicha, hukumat byudjetdagi yoriqlarni yopish uchun barcha choralarni ko'rdi, xususan, ijtimoiy sarfiyatlar muzlatildi, yordam dasturlari kesildi. Ukraina erkin davlat sifatida oyoqqa turishi uchun moliyaviy yordam o'ta zarur, deydi bosh vazir.
Ukraina sharqida Rossiya qo'llab-quvvatlovini olgan isyonchilar bilan kechayotgan olishuvlar mamlakatni bankrotlik yoqasiga olib keldi.
Vashington kelasi oy Ukraina-Amerika sarmoya anjumaniga mezbonlik qilib, Ukraina uchun kerakli moliya to'plashga harakat qiladi.