Venesuela prezidenti Nikolas Maduro AQSh elchixonasining uch xodimini mamlakatdan haydashni buyurdi.
Rasmiy Karakas AQShning Veneseula muxolifati yetakchisi Leopoldo Lopesni himoya qilganidan g’azabda. Lopes ruxsatsiz namoyish uyushtirgani uchun uni hibsga olish buyurilgan.
AQSh davlat kotibi Jon Kerri Venesuela hukumati qarorini qoralab, bu mamlakatda inson huquqlari ahvolidan afsus bildirgan.
Prezident Maduro Qo’shma Shtatlarni bu kabi bayonotlar bilan muxolifat yonini olayotganlikda ayblab, xorijiy davlatlar bizga buyruq berishga haqqi yo’q, degan. Lopes tashabbusi bilan hukumatga qarshi uyushtirilgan chiqishlarda uch kishi o’lgan.
Maduro uni “fashist” va “qo’rqoq” deb atab, o’zini politsiyaga topshirishga chaqirdi.
