Biz haqimizda
“Amerika Ovozi” AQSh Kongressi tomonidan moliyalanadigan eng katta xalqaro multimedia axborot vositasi bo’lib, matbuot erkinligi cheklangan jamiyatlar uchun 46 tilda ma’lumot uzatadi. 1942-yilda tashkil etilgan tashkilot keng qamrovli va mustaqil axborot berib, ommaga haqiqatni yetkazishni maqsad qilgan.
AQSh Global Media Agentligi tarkibidagi “Amerika Ovozi”ning axborot manbai sifatida mustaqilligi jurnalistlarni ta’sir, bosim yoki hukumat zug’umidan himoyalaydigan qonunlar bilan kafolatlangan.
1976-yil Prezident Jerald Ford “Amerika Ovozi" nizomiga imzo chekkan. Bu hujjatga ko’ra:
- “Amerika Ovozi” ishonchli manba sifatida xizmat qiladi. Tashkilot xabarlari aniq va xolis bo’ladi.
- “Amerika Ovozi” AQSh jamiyatining bir qismini emas, balki butun Amerikani aks ettiradi. Shu bois bu mamlakatdagi fikr-qarashlar va institutlarni muvozanat bilan yoritadi.
- “Amerika Ovozi” AQSh siyosatini haqqoniy tarzda tahlil qiladi.
1994-yil AQSh Kongressi qabul qilgan qonunga binoan ham “Amerika Ovozi” faoliyati ishonchli, aniq, xolis va muvozanatli bo'lishi lozim.
2016-yildagi qonunga ko'ra, axborot to’plash va uzatish mustaqil va betaraf shaklda amalga oshiriladi.
