O’zbekiston prezidenti huzuridagi Davlat boshqaruvi akademiyasi rektori Abdujabbor Abduvohitov boshliq rasmiy delegatsiya shu kunlarda Vashingtonda bo’lib, siyosiy va nohukumat doiralar bilan muloqot qildi. Davlat departamenti va Kongressda uchrashuvlar, Jorj Vashington universiteti va Jeymstaun Jamg’asmasi singari ilmiy-tahliliy maskanlarda davra suhbatlari kechdi. Navbahor Imamova bu tadbirlarni yaqindan kuzatdi va tashrif yakunida Abdujabbor Abduvohitovni suhbatga chorladi.