Suriyada urush boshlanganiga olti yil bo'ldi

Suriyada fuqaro urushi boshlanganiga olti yil bo'ldi. Shu munosabat bilan muhojirlar AQSh poytaxtida namoyishga chiqib, xalqaro hamjamiyat, xususan Amerika hukumatini tinchlik yo'lida samarali chora ko'rmaganlikda aybladi. Yordam bering, befarq bo'lmang, qonli mojaroni to'xtatish uchun, barqarorlikka erishish uchun bor imkoniyatni ishga soling, deya so'radi suriyaliklar. Taxminlarga ko'ra, urushda o'lganlar soni yarim millionga yaqinlashgan. Bugun Suriya nafaqat Rossiya va Eron tomonidan quvvatlangan hukumat va G'arb homiyligidagi muxolifat va isyonchi kuchlar, balki terrorist to'dalar urushayotgan maydon hamdir.