Learning English
VOA
site logo site logo
Oldingi Keyingi
Breaking News
AQSh-Markaziy Osiyo

AQSh, O'zbekiston bosh diplomatlari Vashingtonda muloqot qildi

AQSh Davlat departamenti, Vashington, 12-dekabr, 2022
AQSh Davlat departamenti, Vashington, 12-dekabr, 2022
Vashington — 

AQSh va O'zbekiston tashqi ishlar vazirlari 12-dekabr kuni Davlat departamentida muloqot qildi. Bu hafta Vashingtonda tomonlar strategik sheriklikni muhokama qilmoqda.

AQSh Davlat kotibi Entoni Blinken va O'zbekiston Tashqi ishlar vaziri Vladimir Norov, Vashington, 12-dekabr, 2022
Buni ham ko'ring

Blinken-Norov uchrashuvi, suratlarda

AQSh Davlat kotibi Entoni Blinken deydiki, O'zbekiston va Amerika bugungi global muammolar xususida yakdil va ular yuzasidan ochiq fikr almashadi. Blinken Vashington O'zbekiston mustaqilligi, suvereniteti va hududiy yaxlitligini quvvatlashini eslatdi.

"O'zbekiston Qirg'iziston bilan chegara chiziqlari yuzasidan kelishuvga erishganini olqishlaymiz. Bu mintaqa va xalqaro maydonda kuchli signaldir. Diplomatiya orqali muammolar hal qilinishining isboti", - deydi Blinken.

U, shuningdek, O'zbekistonda islohotlar davom etishiga umid bildirib, AQSh nazarida shu kungacha erishilgan salmoqli yutuqlarni tilga oldi - majburiy mehnatga qarshi kurash kuchaygani va diniy erkinlik kengaygani.

Blinken, Norov Vashingtonda uchrashdi
Embed
Blinken, Norov Vashingtonda uchrashdi

No media source currently available

0:00 0:06:21 0:00
Yuklab oling

Vladimir Norov uchun bu O'zbekiston tashqi ishlar vaziri sifatida AQShga ilk tashrif. U bu lavozimga 2022-yilning aprel oyida kirishgan edi.

Bu yil orada diplomatik munosabatlar o'rnatilganiga 30 yil, strategik sheriklikka esa 20 yil bo'ldi. Norov bu sanalarga alohida urg'u berar ekan, O'zbekiston ham AQSh singari serqirra hamkorlik istashini ta'kidladi, xususan C5+1 platformasi orqali. Unga AQSh va Markaziy Osiyoning besh davlati kiradi.

"Biz AQSh hukumatining O'zbekiston prezidentining islohotlar dasturini quvvatlab kelayotganidan minnatdormiz. Bu islohotlar boshqaruvni yaxshilash, qonun ustuvotligini ta'minlash, inson huquqlarini e'zozlash, tinchlikni mustahkamlab, butun Markaziy Osiyo taraqqiyotiga hissa qo'shishini maqsad qilganmiz", - deydi Norov.

Blinken va Norov uchrashuvida Ukraina va Afg'onistondagi vaziyat, Markaziy Osiyodagi geosiyosat xususida ham fikr almashilgan.

AQSh O'zbekistonni islohotlarni jadallashtirishga ungab, inson huquqlari va erkinliklarni ta'minlash, fuqaro jamiyatini rivojlantirish, matbuot erkinligini kengaytirish va oilaviy zo'ravonlik singari muammolarga qarshi kurashni kuchaytirishga undagan.

Qoraqalpog'istonda bu yil yozda ro'y bergan qonli voqealar to'liq va shaffof tarzda tekshirilishi, ayblanuvchilarning sudi adolatli kechishi uchun barcha zarur choralar ko'rilishi kerak, deya bildiradi Davlat departamenti.

"Davlat kotibi Blinken AQSh O'zbekiston tayansa bo'ladigan hamkor bo'lib qolishini va Markaziy Osiyo farovon, xavfsiz va demokratik mintaqaga aylanishida yordamni ayamasligini eslatdi", - deya bildiradi Davlat departamenti so'zlovchisi Ned Prays.

Vashingtonda tomonlar strategik hamkorlikni muhokama qilayapti. O'zbekiston delegatsiyasi AQSh hukumatining boshqa organlari, Kongress a'zolari, nohukumat tashkilotlar va aql markazlari vakillari bilan ham gaplashmoqda.

U.S.-Uzbekistan: Blinken, Norov meet in Washington
Embed
U.S.-Uzbekistan: Blinken, Norov meet in Washington

No media source currently available

0:00 0:03:07 0:00
Yuklab oling

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

Back to top
XS
SM
MD
LG