O’zbekiston-AQSh: Kulolchilik diplomatiyasi

O’zbekistonning Vashingtondagi elchixonasida Rishton kulolchiligini aks ettiruvchi ko'rgazma ochildi. Amerika hukumati nazarida bu tashabbus ikki xalq va madaniyatni yaqinlashtirishning eng samarali yo'llaridan biridir. Yuzlab mehmonlar avloddan-avlodga o'tib kelayotgan hunarmandchilik haqida bilim oldi, kulolchilikning nodir namunalarini tomosha qildi. Elchixonada endi O'zbekiston sopol mahsulotlarining doimiy ko'rgazmasi bo'ladi. Amerika bizneslari bilan ularning savdosi bo'yicha kelishuvlarga erishilgan.