14 aprel kuni Vashington Post gazetasi chop etilgan maqolada, Yevropa Ittifoqining Belarus va Turkmanistonga nisbatan yuritayotgan siyosati tahlil qilingan.
"Diktatorlar uchun ikki xil mezonlar" maqolasida yozilishicha, Yevropa Ittifoqi bir vaqtning o’zida Belarus prezidenti Aleksandr Lukashenkoni tanqid qilib, unga va mamlakat mulozimlarga nisbatan sanksiyalar qo’llamoqda. Ikkinchi tomondan esa, Turkmaniston prezidenti Saparmurot Niyozov bilan savdo aloqalarini kengaytirish bo’yicha shartnomalar tuzmoqda. Ikki diktator ham inson huquqlarini poymol qilish bilan tanilgan, deydi maqola muallifi.
Lukashenkoda Niyozovda bor narsa, ya’ni gaz bo’lmagani sabab, u hozirda Yevropaning ashaddiy dushmanidir, deyiladi maqolada.
