Ozarbayjon BMT Xavfsizlik Kengashiga ikki yilga saylandi. Bosh Assambleyada o'tgan ovoz berish jarayonida 155 davlat ishtirok etgan.
Saylov jarayonidan shikoyat qilgan Sloveniya nomzodini qaytarib olgach, Ozarbayjon Sharqiy Yevropadan saylanishga muvaffaq bo'ldi. A'zolik kelasi yildan boshlanadi.
Xavfsizlik Kengashida besh doimiy a'zo bor. Bular yadro quroliga ega deb rasman tan olingan davlatlar - Britaniya, AQSh, Xitoy, Fransiya va Rossiya hamda ikki yilga saylanadigan vaqtinchalik 10 a'zo.
Kelasi yildan boshlab Ozarbayjonga Gvatemala, Marokash, Pokiston, Togo ham yangi a'zo sifatida qo'shiladi. Kolumbiya, Germaniya, Hindiston, Portugaliya va Janubiy Afrikaning muddati esa 2012-yil oxirida tugaydi.
