Birma hukumati Islom hamkorligi tashkilotiga mamlakatda vakolatxona ochishga ruxsat bermayapti.
Birma prezidenti idorasi rasmiysi Zau Xtayning Amerika Ovoziga aytishicha, tashkilot idora ochmoqchi ekani haqida xabar tarqalgach, fuqarolar va buddist rohiblar bir necha hafta davomida norozilik namoyishi o’tkazdi.
"Xalq talab va istaklarini inobatga olgan holda shunday qarorga keldik", - deydi rasmiy.
Islom hamkorligi tashkilotiga 57 davlat a’zo. O’tgan yil yozigacha Islom konferensiyasi tashkiloti deya yuritilgan bu guruh o’tgan oy Birma hukumati bilan ikki shaharda idora ochish haqida hujjat imzolagan edi. Hukumat bugungi bayonoti bilan so’zidan qaytganiga ishora qildi.
Kuzatuvchilarga ko’ra, bu hol mamlakatdagi musulmonlar hayotini yanada og’irlashtirishi mumkin. Iyun oyida buddist aholi musulmonlar bilan to’qnashib, 90 kishi o’lgan edi. Ko’p musulmonlar qo’shni Bangladeshga qochishga majbur bo’ldi.
Islom hamkorligi tashkiloti Birma qarorini o’zaro kelishuvdan chekinish deya baholadi, ammo bu borada rasmiy maktub olmaganini aytdi.
Birma prezidenti idorasi rasmiysi Zau Xtayning Amerika Ovoziga aytishicha, tashkilot idora ochmoqchi ekani haqida xabar tarqalgach, fuqarolar va buddist rohiblar bir necha hafta davomida norozilik namoyishi o’tkazdi.
"Xalq talab va istaklarini inobatga olgan holda shunday qarorga keldik", - deydi rasmiy.
Islom hamkorligi tashkilotiga 57 davlat a’zo. O’tgan yil yozigacha Islom konferensiyasi tashkiloti deya yuritilgan bu guruh o’tgan oy Birma hukumati bilan ikki shaharda idora ochish haqida hujjat imzolagan edi. Hukumat bugungi bayonoti bilan so’zidan qaytganiga ishora qildi.
Kuzatuvchilarga ko’ra, bu hol mamlakatdagi musulmonlar hayotini yanada og’irlashtirishi mumkin. Iyun oyida buddist aholi musulmonlar bilan to’qnashib, 90 kishi o’lgan edi. Ko’p musulmonlar qo’shni Bangladeshga qochishga majbur bo’ldi.
Islom hamkorligi tashkiloti Birma qarorini o’zaro kelishuvdan chekinish deya baholadi, ammo bu borada rasmiy maktub olmaganini aytdi.
