Yevropa Ittifoqi Kengashi kecha O'zbekiston bo'yicha bir hujjat qabul qilgan.
Unda aytilishicha, Kengash O'zbekistonda inson huquqlari, demokratik taraqqiyot, qonun ustuvorligiga doir ahvolni o'rganib, Yevropa Ittifoq-O'zbekiston munosabatlarini yaxshilash uchun rasmiy Toshkent hali ko'p ishlar qilishi kerak degan xulosa qilgan.
Hujjatda O'zbekistonning iyun oyida Qirg'iziston janubidagi xunrezlikdan qochgan odamlarga yordami, chegara xavfsizligi, ta'lim, atrof-muhit, energetika sohalarida Yevropa Ittifoqi bilan hamkorligi ijobiy baholanadi.
Kengash mamlakatda inson huquqlari ahvolidan xavotirda ekanini ham bildirib, hukumatni islohotlarga chaqiradi.
