Qatar amiri kecha G’azo sektoriga qadam qo’yar ekan, hududda besh yildan beri hukmron Xamas buni tarixiy kun, deya nishonladi.
Shayx Hamad bin Xalifa al-Taniy 2007-yildan beri sektorga safar qilgan ilk rahbar. G’arb terrorchi tashkilot deya tamg’alagan Xamas Bosh vaziri Ismoil Haniya amirni chuqur ehtirom bilan qarshi oldi.
Bir necha soat davom etgan tashrif chog’ida Qatar amiri G’azoni qayta qurishga doir yordam dasturini rasman ochib berdi.
Bu madad 2008-yilda Isroil sektorga uyushtirgan hujum asoratlarini tozalash, G’azoda yangi mahallalar barpo etishga sarflanadi, deydi u.
Xamas rahbari amir Hamadni “adolatsiz tashqi kuchlar G’azoga joriy etgan siyosiy va iqtisodiy blokada”ni buzib, undan xatlab o’tgani uchun maqtadi.
Qatar yetakchisining safari Xamas uchun diplomatik g’alaba.
G’arb davlatlari bu guruhni yakkalab, G’arbiy sohilda hukmron prezident Mahmud Abbosni Falastin ahlining yagona qonuniy rahbari, deb biladi.
Amir G’azoni tark etgach, Isroil hududga havo hujumi uyushtirgan va natijada Xamasning uch a’zosi o’lgan. Seshanba kuni sektorda Falastin tomoni amalga oshirgan xurujda isroillik zobit qattiq yaralangan edi.
Shayx Hamad bin Xalifa al-Taniy 2007-yildan beri sektorga safar qilgan ilk rahbar. G’arb terrorchi tashkilot deya tamg’alagan Xamas Bosh vaziri Ismoil Haniya amirni chuqur ehtirom bilan qarshi oldi.
Bir necha soat davom etgan tashrif chog’ida Qatar amiri G’azoni qayta qurishga doir yordam dasturini rasman ochib berdi.
Bu madad 2008-yilda Isroil sektorga uyushtirgan hujum asoratlarini tozalash, G’azoda yangi mahallalar barpo etishga sarflanadi, deydi u.
Xamas rahbari amir Hamadni “adolatsiz tashqi kuchlar G’azoga joriy etgan siyosiy va iqtisodiy blokada”ni buzib, undan xatlab o’tgani uchun maqtadi.
Qatar yetakchisining safari Xamas uchun diplomatik g’alaba.
G’arb davlatlari bu guruhni yakkalab, G’arbiy sohilda hukmron prezident Mahmud Abbosni Falastin ahlining yagona qonuniy rahbari, deb biladi.
Amir G’azoni tark etgach, Isroil hududga havo hujumi uyushtirgan va natijada Xamasning uch a’zosi o’lgan. Seshanba kuni sektorda Falastin tomoni amalga oshirgan xurujda isroillik zobit qattiq yaralangan edi.
