Qirg'iziston ahli: BMT Xamas-Isroil mojarosiga qarab turmasin
Isroil mana yetti kundirki, G’azo sektorini bombardimon qilmoqda. U yerda hukmron Xamas ham Isroilga raketa yog’dirishda davom etayapti.
G'azoda shifokorlarning aytishicha, hujumlardan kamida 130 kishi, jumladan, 31 bola nobud bo'lgan. Isroilda talofatlar besh kishi.
AQSh prezidenti Barak Obama sektordagi konfliktga yechim izlab, mintaqaga Davlat kotibasi Xillari Klintonni safarbar etdi.
Klinton Quddusda Isroil Bosh vaziri Benyamin Netanyaxu bilan ko’rishadi. Ramalloh va Qohirada ham to’xtaydi.
Qirg'iziston ahli nazarida jahon jamoatchiligi, Birlashgan Millatlar Tashkiloti qarab turmasdan zudlik bilan chora ko'rishi kerak. Begunoh odamlar o'lib ketayapti, deydi ular.
Mavjud fikr shuki, Obama ma'muriyati qat'iyatsiz harakat qilayapti.
AQSh Davlat kotibasi Xillari Klinton Quddus, Ramalloh va Qohiraga safar qilib, olishuvni to'xtatishga urinmoqda. Isroil esa XAMAS terrorchilariga yetarlicha zarba bermaguncha to'xtamoqchi emas.
