Misrda prezidentlikka saylangan Muhammad Mursiy yangi hukumat tuzishga kirishgan. Mursiy barcha siyosiy kuchlarni hamkorlikka chaqirib, ularga hukumatdan joy va'da qilmoqda, xususan vitse-prezidentlikni.
Xalq orasida o'tgan yilgi inqilobdan beri qutblashish, bo'linish bor. Mursiy oldida ularni jipslashtirishdek mushkul vazifa turibdi.
Islomiy harakat vakilining prezidentlikka saylanishi diniy ozchilikdagi guruhlar va ayollar huquqlari birday ta'minlanadimi degan savol tug'dirmoqda. Mursiy bu xavotirlarga barham berish maqsadida Musulmon Birodarlar harakati va unga aloqador "Ozodlik va adolat" partiyasidan chiqqanini ma'lum qildi.
Tahlilchilarni qiynayotgan boshqa masala bu prezident vakolati. Mamlakatni vaqtincha boshqarib kelgan harbiy kengash prezident saylangach, hokimiyatni oy oxirigacha unga topshirishga so'z bergan. Biroq bungacha bir necha qaror chiqarib, bo'lajak prezident vakolatini cheklab qo'ydi. Ijroiya hokimiyatning katta qismini o'zida qoldirdi, ko'pchiligi Musulmon Birodarlar a'zolaridan iborat parlamentni tarqatib, qonunchilik vakolatlarini ham o'zlashtirdi.
Harakat bu o'zgarishlarni qabul qilmay, Mursiy tarafdorlari prezident va parlament vakolatlari to'liq tiklanmaguncha poytaxtdagi Tahrir maydonidan ketmasligini bildirmoqda.
Mursiy Misrning barcha xalqaro majburiyatlariga sodiq qolishini aytdi, jumladan Isroil bilan 1979-yilda imzolangan sulh shartlariga. Musulmon Birodarlar ko'pdan beri Isroil bilan bitimni tanqid qilib kelgan edi.
Xalq orasida o'tgan yilgi inqilobdan beri qutblashish, bo'linish bor. Mursiy oldida ularni jipslashtirishdek mushkul vazifa turibdi.
Islomiy harakat vakilining prezidentlikka saylanishi diniy ozchilikdagi guruhlar va ayollar huquqlari birday ta'minlanadimi degan savol tug'dirmoqda. Mursiy bu xavotirlarga barham berish maqsadida Musulmon Birodarlar harakati va unga aloqador "Ozodlik va adolat" partiyasidan chiqqanini ma'lum qildi.
Tahlilchilarni qiynayotgan boshqa masala bu prezident vakolati. Mamlakatni vaqtincha boshqarib kelgan harbiy kengash prezident saylangach, hokimiyatni oy oxirigacha unga topshirishga so'z bergan. Biroq bungacha bir necha qaror chiqarib, bo'lajak prezident vakolatini cheklab qo'ydi. Ijroiya hokimiyatning katta qismini o'zida qoldirdi, ko'pchiligi Musulmon Birodarlar a'zolaridan iborat parlamentni tarqatib, qonunchilik vakolatlarini ham o'zlashtirdi.
Harakat bu o'zgarishlarni qabul qilmay, Mursiy tarafdorlari prezident va parlament vakolatlari to'liq tiklanmaguncha poytaxtdagi Tahrir maydonidan ketmasligini bildirmoqda.
Mursiy Misrning barcha xalqaro majburiyatlariga sodiq qolishini aytdi, jumladan Isroil bilan 1979-yilda imzolangan sulh shartlariga. Musulmon Birodarlar ko'pdan beri Isroil bilan bitimni tanqid qilib kelgan edi.
