Inson huquqlari tashkilotining bildirishicha, Nigeriya xavfsizlik kuchlari qizlar maktabi jangarilar hamlasiga uchrashi haqida oldindan ogohlantirish olgan.
Rasmiylar Chibok shahridagi qizlar maktabiga rejalangan hujumdan to’rt soat oldin ma’lumot ola boshlagan. Biroq biror chora ko’rmagan.
Maktabdan o’tgan hafta taxminan 300 o’quvchi o’g’irlab qochilgan edi. Xalqaro amnistiya tashkiloti nazarida xavfsizlik xizmati sustkashlik, uquvsizlik qilgan. Bundan tashqari, Nigeriya armiyasi yaxshiroq qurollangan jangarilardan qo’rqadi, degan taxmin ham bor.
Hukumat Xalqaro amnistiya tashkilotining bayonotiga biror munosabat bildirganicha yo’q.
Qo’shma Shtatlarning 11 harbiy mutaxassisi hozir Nigeriyada, o’quvchi qizlarni izlashda yordam berayapti.
Amerika Davlat kotibi Jon Kerri qo’ldan kelgan barcha madadni beramiz, deydi. Britaniya, Xitoy, Fransiya va Kanada ham bosh qo’shishga va’da bergan.
O’g’irlash ortida turgan, qonli xurujlar, qotilliklar uchun javobgar sanalgan Boko Haram radikal guruhi qizlarni sotishini aytib po’pisa qilayapti.
Nigeriya politsiyasi bolalarni qidirib topishda zarur ma’lumot uchun 300 ming dollar mukofot va’da qilgan.
Rasmiylar Chibok shahridagi qizlar maktabiga rejalangan hujumdan to’rt soat oldin ma’lumot ola boshlagan. Biroq biror chora ko’rmagan.
Maktabdan o’tgan hafta taxminan 300 o’quvchi o’g’irlab qochilgan edi. Xalqaro amnistiya tashkiloti nazarida xavfsizlik xizmati sustkashlik, uquvsizlik qilgan. Bundan tashqari, Nigeriya armiyasi yaxshiroq qurollangan jangarilardan qo’rqadi, degan taxmin ham bor.
Hukumat Xalqaro amnistiya tashkilotining bayonotiga biror munosabat bildirganicha yo’q.
Qo’shma Shtatlarning 11 harbiy mutaxassisi hozir Nigeriyada, o’quvchi qizlarni izlashda yordam berayapti.
Amerika Davlat kotibi Jon Kerri qo’ldan kelgan barcha madadni beramiz, deydi. Britaniya, Xitoy, Fransiya va Kanada ham bosh qo’shishga va’da bergan.
O’g’irlash ortida turgan, qonli xurujlar, qotilliklar uchun javobgar sanalgan Boko Haram radikal guruhi qizlarni sotishini aytib po’pisa qilayapti.
Nigeriya politsiyasi bolalarni qidirib topishda zarur ma’lumot uchun 300 ming dollar mukofot va’da qilgan.
