Saudiya Arabistoni sharqida shialar masjidida bugun portlash ro'y berib, kamida to'rt odam nobud bo'lgan.
"Islomiy davlat" jangari guruhi bu uning ishi ekanini da'vo qilayapti.
Saudiya rasmiylari katta talofatlarning oldini olishga muvaffaq bo'ldik, deydi.
Jangari mingan mashina Imom Husayn masjidi yonida to'xtagan va politsiyachilar uni tekshirmoqchi bo'lgan payt jangari o'zini portlatgan.
Rasmiylar huquq-tartibot xodimlari o'z ishini xolis bajargani uchun bundanda ko'p talofatlarning oldi olindi, deydi.
Guvohlardan birining aytishicha, xavfsizlik xodimi mashinani masjidning ayollar o'tirgan bo'limiga yaqinroq joyda to'xtashiga ijozat bermagan.
